Vajzat që nuk janë të gjata më shumë se 165 cm e njohin mirë atë ndjesinë e vështirësisë për gjetjen e stilit perfekt, kombinimeve të lezetshme, këpucëve që shkojnë me look-un në tërësi, aksesorët etj.
Por, zgjedhjet sot janë të shumta dhe në gamën e sugjerimeve që vijnë për të gocat që nuk duan të duken të shkurtra ka një seri mundësish. Gjithmonë, nëse doni të dukeni plot stil dhe me disa centimetra më shumë, ja disa ide:
#1 Njihni përmasat tuaja
Ka disa matje që janë të rëndësishme kur doni të bëni blerjet e sezonit. Madhësia e gjoksit, belit dhe vitheve janë tregues për përmasat si duhet t’i blini veshjet e radhës.
#2 Identifikoni formën e trupit
Çdo trup ka forma dhe proporcione të ndryshme dhe petitet (vajzat me trup të vogël) nuk bëjnë përjashtim. Për shembull: nëse keni një trup në formë trekëndëshi, ju duhen futane të stilit A, që ndihmojnë në balancimin e pjesës së poshtme të trupit, por që edhe ju të dukeni me stil.
#3 Bëni blerje petite, por jo të qëllimshme
Fakti që një dyqan shet veshje për trupa të imët, nuk do të thotë se ato janë të përshtatshme për stilin tuaj. Ju mund të bëni blerje me përmasa normale që për trupat petite mund të duken yll, si fundet, fustanet apo xhaketat.
#4 Vishni xhaketa normale dhe mbajini zbërthyer
Xhaketat e zbërthyera, një truk i lezetshëm që shton stilin në look-un tuaj.
#5 Aksesorë për t’u dukur më të gjata
Besoni apo jo, takat nuk janë aksesori i vetëm që krijon iluzionin e gjatësisë. Një nga këshillat më të mira që vijnë për gocat me trup të vogël sugjeron që ju ta mbani fundin mbi bel, në mënyrë që busti të duket më i shkurtër dhe këmbët më të gjata. Por, mos harroni aksesorët! Ju ndihmojnë të dukeni më bukura!
#6 Aksesorë të thjeshtë
Nëse zgjidhni bizhuteri ose një çantë dore, zgjidhni varëse minimaliste dhe çanta të vogla që përputhen me shtatin tuaj të imët.
#7 Fundet e gjata
Zgjidhni printe njëngjyrëshe, funde me pala dhe me gjatësi deri te kyçi i këmbës që të mos dukeni me disa centimetra më pak.
#8 Alternoni përmasat oversize me ato të ngushta
Xhupat apo xhaketat e mëdha do t’ju mbulojnë, sidomos kur keni fizik të imët. Ndaj, gjeni të mesmen e artë duket kombinuar xhaketat oversize me xhinset apo pantallonat e ngushta.
#9 Çizmet mbi gju
Duket si një formulë e njohur stili që nuk del kurrë nga moda, ama diçka është e sigurt: çizmet mbi gju, ju bëjnë të dukeni më të gjata. Por, jo me printe të guximshme apo ngjyra si ylber!
