Kemi dëgjuar për terma si “poligami”, “origami” apo “monogami”, por siç duket “sologamia” bën pjesë në një praktikë të re që origjinën e ka në Japoni. Gjithçka ka të bëjë me martesën dhe dashurinë për veten.
Në ditët e sotme flasim për të gjitha llojet e dashurive. Por përpara se të përfshiheni në çdo formë dashurie, së pari duhet ajo më e rëndësishmja: dashuria për veten. Për këtë arsye sologamia po merr kaq shumë vëmendje.
Si një fenomen relativisht i ri në botën perëndimore, por që ka qenë i pranishëm prej dekadash, theksi vendoset te kujdesi ndaj vetes.
Martesat sologame janë të dedikuara për gratë që zgjedhin ftesat, veshjet, të ftuarit, lulet, madje edhe unazën dhe të gjitha për t'i shijuar vetëm.
Ky ritual duket se shpreh dhe kënaq nevojën e grave për t'u ndjerë mirë me veten. Është një zgjedhje për të dashur veten dhe për të simbolizuar rëndësinë e saj me aktin simbolik të martesës, por që festohet pa familjarë apo miq.
Kjo ide mund të duket e pazakontë dhe në kundërshtim me vlerat tradicionale të familjes, por është në përputhje me shoqërinë e sotme.
Çfarë është sologamia?
Të martohesh me veten do të thotë të bësh një premtim të përjetshëm për ta dashur veten.
Nuk është për t'u habitur që kjo zgjedhje bëhet shpesh pas divorceve dhe më vonë në jetë, sepse krizat dhe tranzicionet e jetës na lejojnë të mësojmë më shumë për veten.
Momenti i duhur për t'i deklaruar dashurinë vetes mund të jetë në çdo kohë! Sepse ne e dimë formulën e njohur: vetëm duke dashur veten mund t'i duam plotësisht edhe të tjerët.
