Lourdes Leon, e bija e Madonna-s, rikrijoi look-un ikonik të së ëmës, në videoklipin e këngës së saj të famshme “Frozen”. Leon publikoi këngën “Spelling” dhe le të themi se ngjashmëria e videoklipit të saj me “Frozen” është shumë e madhe dhe njerëzit u bënë nostalgjikë.
Artistja 26-vjeçare zgjodhi që përpos look-ut, edhe videoja të kishte të njëjtin stil, paletë ngjyrash dhe të dhuronte të njëjtën ndjesi. Ajo e publikoi videon në Instagram dhe u shpreh: “Kjo është shumë speciale për mua. Është një homazh për veprën e artit të mamit tim, “Frozen”.
Lourdes shtoi: “Kjo vepër ka ardhur në jetën time me mijëra herë, duke na lidhur në të dyjave. Nuk do isha asgjë pa gruan që më solli në këtë botë”.
Njerëzit e pëlqyen shumë rikrijimin e saj. “Jam shumë e lumtur që Lourdes zgjodhi të rikrijonte “Frozen”, shkroi dikush.
“Çfarë nostalgjiiie!”, u shpreh një tjetër komentues.
“Më duhet ta pranoj, s’dija shumë mbi karrierën e Lourdes, por fakti që e ëma është Madonna, mendoja se do të ishte një tjetër nepo baby*, por wow, kjo është fantastike! “Frozen” është kënga ime nga Madonna dhe ky rikrijim është thjesht fantastik”, shkroi një tjetër person.
“Nepo baby” lidhet me termin “nepotizëm”* dhe nënkupton që një person i famshëm, është fëmija i një personi edhe më të famshëm (ose jo). “Nepo babies” i referohen njerëzve të çdo grupmoshe dhe profesioni (mjafton të kenë prindër të suksesshëm).
Këngën e Lourdes mund ta dëgjoni këtu.
E për nostalgji, "Frozen" nga Madonna, këtu.
Artikuj të sugjeruar:
