Aktori i humorit, Albano Bogdo, ka reaguar sot pas gjithë deklaratave që janë bërë në rrjet për “batutën” e tij referuar Alban dhe Beatrix Ramosaj.
Përmes një fotoje të publikuar në Instastory, Albano shprehet:
“Na ka bekuar Zoti me 3 gjëra jashtëzakonisht të vyera si komb.
1. Lirinë e fjalës
2. Lirinë e mendimit dhe ndërgjegjes
3. Kryqëzimin publik nëse përdor një nga dy të parat”.
Ky reagim i tij vjen pas postimit të Beatrixës, e cila theu heshtjen pas “shakasë” së pavend që humoristi bëri në emisionin e tij “Albano show”. Ai bëri një koment ofendues dhe seksist ndaj Albanit dhe Beatrix, duke shtruar pyetjen “A e di ti kush është Alban Ramosaj?” dhe më pas u përgjigj: “Alban Ramosaj është ai tipi që i q** motrën Donaldi në ‘Big Brother’", duke ndezur shumë kritika në rrjet.
Beatrix shkroi në llogarinë e saj në Instagram:
“Ofendimet, cenimi i dinjitetit dhe moralit e mbi të gjitha, shpifjet nuk janë vese të cilat më karakterizojnë. Por ndryshe nga unë, zotëria Albano Bogdo, i zotëroka këto vese dhe i shfaq ato me krenari, duke i fshehur nën petkun e “komedisë satirike”.
Vijoi me:
“Por unë doja t’i thoja që me ato fjalë denigruese dhe të pavarteta nuk më ka lënduar mua, as vëllain e as fëmiljen time, nëse ky ka qenë qëllimi i tij, sepse kemi vite e vite që jetojmë në realitetin e hidhur të showbiz-it shqiptar e tashmë jemi imunë ndaj tij. Me këtë qëndrim, ti ke lënduar vajzat e gratë shqiptare që kërkojnë inspirim e shpresë në Shqipëri! Ti me këtë që bën, e mbyt atë dhe tregove dhe njëherë injorancën e burrit shqiptar që do të ngrejë veten duke ulur femrën!”.
Ajo tha edhe se:
“Sa për kontributin tonë në muzikë, zotërisë në fjalë do t’i duhet të kthehet shumë prapa në kohë nëse vërtet do të analizojë nga fillimi se çfarë arti i kemi dhënë unë dhe vëllai im, Albani, muzikës shqiptare. Ndërsa për të tjerat, masa ligjore po merren”.
"P.S.: E vlerësoj mbështejtjen e jashtëzakonshme që më keni dhënë mua dhe familjes sime këto ditë. Ju falenderoj të gjithëve!”, përmbylli reagimin Beatrix.
Për t’u rikthyer te reagimi i Albanos, na duhet t’i rikujtojmë aktorit të humorit se humori është i rafinuar, i zgjuar dhe i mprehtë, jo ofendim ndaj një personi që jeton i lirë jetën e vet. Sa i përket lirisë së fjalës, mendimit dhe ndërgjegjes quhen ‘liri’ kur nuk cenojnë askënd dhe as nuk denigrojnë me ‘batuta’ të tepruara dhe mizogjene imazhin e askujt. Thjesht një rikujtesë, pa asnjë grimcë humori dhe shakaje. :)
Artikuj të sugjeruar:
