“Shakaja” pa kurrfarë kripe e Albano Bogdos referuar Beatrix Ramosajt, ka marrë një vëmendje shumë të madhe publike dhe shumë personazhë të showbiz-it shqiptar dhe njerëz të thjeshtë kanë reaguar, duke e quajtur totalisht të pavend dhe duke theksuar se në humorin e tij, nuk kishte asgjë për të qeshur.
Rreth deklaratës së tij mizogjene, Beatrix ka reaguar përmes një postimi në Instastory, ku shprehet:
“Ofendimet, cenimi i dinjitetit dhe moralit e mbi të gjitha, shpifjet nuk janë vese të cilat më karakterizojnë. Por ndryshe nga unë, zotëria Albano Bogdo, i zotëroka këto vese dhe i shfaq ato me krenari, duke i fshehur nën petkun e “komedisë satirike”.
Më tej, shton:
“Por unë doja t’i thoja që me ato fjalë denigruese dhe të pavarteta nuk më ka lënduar mua, as vëllain e as fëmiljen time, nëse ky ka qenë qëllimi i tij, sepse kemi vite e vite që jetojmë në realitetin e hidhur të showbiz-it shqiptar e tashmë jemi imunë ndaj tij.
Me këtë qëndrim, ti ke lënduar vajzat e gratë shqiptare që kërkojnë inspirim e shpresë në Shqipëri! Ti me këtë që bën, e mbyt atë dhe tregove dhe njëherë injorancën e burrit shqiptar që do të ngrejë veten duke ulur femrën!”.
Ajo tha edhe se:
“Sa për kontributin tonë në muzikë, zotërisë në fjalë do t’i duhet të kthehet shumë prapa në kohë nëse vërtet do të analizojë nga fillimi se çfarë arti i kemi dhënë unë dhe vëllai im, Albani, muzikës shqiptare. Ndërsa për të tjerat, masa ligjore po merren”.
"P.S.: E vlerësoj mbështejtjen e jashtëzakonshme që më keni dhënë mua dhe familjes sime këto ditë. Ju falenderoj të gjithëve!”, përmbylli reagimin Beatrix.
Albano, në emisionin e tij "Albano Show", zgjodhi të bëjë një koment të tillë, ofendues, seksist dhe mizogjen, duke ofenduar Albanin dhe vendimin e tij për të hequr dorë nga muzika, përmes motrës së tij, Beatrix Ramosajt. Ai pyeti “A e di ti kush është Alban Ramosaj?” dhe e pasoi pyetjen me një përgjigje nënçmuese: "Alban Ramosaj është ai tipi që i q** motrën Donaldi në ‘Big Brother’", duke shokuar internetin.
