Nuk është një moment hutimi, as nuk kemi gabuar stinë! Sidomos kur u referohemi stilistëve dhe gamës së prurjeve nga pasarelat për sezonin e vjeshtës 2023. Hijet e së kuqes dominuan në sfilatat e disa prej shtëpive më të famshme të modës për të vërtetuar që kjo do të jetë ngjyra IN përgjatë muajve të mbetur të vitit.
“Njerëzit që duan të përjetojnë ndjenjat e dominimit, fuqisë dhe entuziazmit në veshjet e tyre duan të kuqen,” thotë Shakaila Forbes-Bell, një psikologe e modës.
E kuqja mund të jetë kaq e gjithanshme, pasi kombinohet bukur me ngjyrat neutrale, por ju mund të guxoni dhe ta kombinoni atë me nuanca të tjera të forta.
Nuk ju kërkohet që ta vishni të kuqen nga koka te këmbët për t'u dukur në modë. Ndonjëherë, një aksesor i vetëm si një palë çorape kashmiri, një çantë ose një rreth i kuq për flokët, e transformojnë tërësisht pamjen.
Për një look super cool, stilistët ju sugjerojnë që të provoni të gjitha nuancat e së kuqes, nga e purpurta te bordeaux, që e transformojnë tërësisht stilin tuaj!
Burimi: Marie Claire
