Prej disa ditësh në media po gëlon thashethemi se Ola Bruko dhe Endri Prifti janë në një lidhje së bashku, madje kanë nisur të bashkëjetojnë.

Për këto zëra, Ola ka bërë dy reagime në llogarinë e saj në Instagram. Tek i pari, ka ndarë me ndjekësit një poezi të Dritëro Agollit:

“I bardhë si bora të jesh,
i ndritur, i larë me flori
Prapë do të të shajnë patjetër,
Pa sharë nuk mbetet njeri!

E hodhën floririn, e tretën,
Në llum, në llagëmin e zi,
Një shekull kaloi dhe e gjetën,
Floriri kish mbetur flori”, duke treguar se njerëzit do flasin, pavarësisht të vërtetës së personit.

Në një tjetër postim, ajo ka publikuar një foto të sajën duke buzëqeshur dhe në mbishkrim shprehet: “Papa do të ishte mirë të na vizitonte edhe një herë e të na bekonte si popull. Paqe, qetësi, dashuri dhe jo urrejtje paçi në shpirtrat tuaj. Jeta është e shkurtër, ikën e nuk vjen më! Zoti qoftë me ju. Amin”.

Në sektorin e komenteve, vihet re edhe një këshillë nga Aurela Gaçe, mike e vëllezërve Stefi, e cila shkruan: “Vazhdo buzëqesh @olabruko. Unë, fatkeqësisht, reagoj në këto situata. Do të doja të mos e bëja. Kështu që, në këtë rast, po të jap ty një këshillë: Sa të dalë një lajm tjetër, bëj durim”.

Zërat për një lidhje mes tyre nisën nga disa portale, të cilat aludonin se Ola dhe Endri janë njohur në emisonin “Dola te Ola”, ku bashkëprezantonin.

 
Sipas “Pamfleti”, gazetarja u nda pak kohë më parë nga bashkëshorti i saj, me të cilin ka dy fëmijë. Gjithashtu thuhet se Endri dhe Ola kanë nisur të bashkëjetojnë.

Anabel Media kontaktoi me Priftin dhe Brukon për të konfirmuar/mohuar thashethemet, por nuk morëm një përgjigje.