Kanadaja do t’i dhurojë Ukrainës 650 milionë dollarë
Vijojnë ndihmat ndaj Ukrainës dhe këtë radhë, Kanadaja do t’i dhurojë vendit të pushtuar 650 milionë dollarë dhe kjo shifër do të shërbejë si ndihmë për Ukrainën në 3 vitet e ardhshme.
Deri më tani, Zelensky ka siguruar edhe një tjetër paketë shumë të madhe ushtarake, si “dhuratë” nga Shtetet e Bashkuara të Amerikës. Kjo paketë u garantua pas vizitës së tij në Washington. Kanadaja ka ndjekur shembullin e SHBA-së një ditë më vonë.
Ukraina godet me raketë bazën ushtarake ruse në Detin e Zi
Ukraina ka bërë një sulm domethënës me raketë ndaj shtabit të përgjithshëm të Flotës Detare ruse në Detin e Zi.
Ministria e Mbrojtjes në Rusi bëri me dije lajmin dhe në rrjet u shpërndanë video dhe foto nga momenti i shpërthimit, si dhe të shtëllungave të tymi që mbuluan qiellin.
Sipas guvernatorit të vendosur nga Rusia, Mikhail Razozhayev, nuk pati të lënduar.
Kryeministri i Izraelit kërcënon Iranin me sulm bërthamor, por pendohet
Benjamin Netanyahu, kryeministri izraelit, ka kërcënuar Iranin duke thënë se do të përballen me një “kërcënim bërthamor”. Kjo deklaratë erdhi gjatë vizitës së tij në SHBA, por shpejt, zyra e tij reagoi duke thënë se kryeministrit “i rrëshqiti goja”.
“Mbi të gjitha, Irani duhet që të përballët me një kërcënim të besueshëm bërthamor. Sa të jem unë kryeministër i Izraelit, do të bëj ç’është e mundur për të mos e lejuar Iranin të ketë armë bërthamore”, u shpreh ai në deklaratën, para se zyra e tij të ulte tonet.
Zyra e tij reagoi shpejt dhe tha se Netanyahu e kishte bërë një lëshim në fjalim dhe se në tekstin e tij të parapërgatitur shkruhej “kërcënim të besueshëm ushtarak” e jo “kërcënim të besueshëm bërthamor”.
Sulmet ruse në Ukrainë: 31 të plagosur dhe 1 person i vdekur
Një person ka mbetur i vrarë dhe 31 të tjerë janë plagosur si rrjedhojë e një sulmi rus me raketë në Kremenchuk.
Në mesin e të plagosurve ishte edhe një fëmijë.
Në fillim të kësaj jave, trupat ruse e goditën një rafineri nafte në Kremenchuk dhe sipas autoriteteve ukrainase, Rusia ka nisur një fushatë sistematike të sulmeve ajrore në vend.
