Kur thua sallatë, mendja të shkon direkt te një tas i madh me perime të freskëta, djathë, vaj ulliri dhe disa fruta sipas dëshirës. Por, me sa duket nuk ka kufij përcaktues kur vjen puna të larmia e sallatave nga ato kremoze, tek sallatat me makarona, receta të pasura dhe sa më të shijshme për ju dhe familjen tuaj. E nëse doni t’i jepni një dimension më kreativ sallatës, shtoni një përbërës krokant herën tjetër. Si thoni për ca kokoshka?

Shija unike që ato lënë në gojë mund të jetë një arsye e mjaftueshme për të provuar kokoshkat në sallatën tuaj.

Nëse ju pëlqejnë kokoshkat tipike me të cilat shoqëroni filmin e preferuar, pra kokoshkat me kripë dhe gjalpë, mund t’i shtoni lirisht në tasin e sallatës si një kontrast të kripur dhe të shijshëm me perimet e freskëta dhe salcën e shijshme.

Po kërkoni një shije pikante? Përzieni kokoshkat me pak piper djegës dhe do të përfitoni një super shije. Mund të provoni edhe pluhurin e hudhrës, vajin e tartufit deri te lëngu i limonit. Ka shumë mënyra për të shijuar kokoshkat, pasi ato japin shijen e veçantë që plotëson të gjithë përbërësit e tjerë të sallatës.

Burimi: TastingTable