Ju mund të mos jetoni në një shtëpi realisht të vogël, por keni gjithë kohës ndjesinë e pamjaftueshmërisë. Thjesht nuk dini ku të vendosni objektet, gjërat e nevojshme që shtohen me kalimin e viteve sepse ju duket se nuk keni hapësirë të mjaftueshme për gjithçka.

Sipas arkitektëve që kanë folur për Real Simple ekzistojnë shtatë truke apo lëvizje që duhet të bëni për të pasur më shumë hapësirë në shtëpinë tuaj.

Tavolinë e rrumbullakët

Një tavolinë larg versionit tradicional me këmbë, e bën një zgjedhje më moderne dhe optimale për hapësirën e shtëpisë suaj. Me bazë të trashë, me karrige ku mund të ulen gjashtë persona dhe në formë ovale tavolina e rrumbullakët është një gjetje nëse doni më shumë hapësirë në shtëpi.

Zgjidhni karrige pa krahë

Një tjetër këshillë për të shtuar hapësirën në zonën e kuzhinës? Karriget pa krahë që të ulni më shumë njerëz rrotull tavolinës. Plus, këto karrige mund të futen plotësisht nën tavolinë kur nuk përdoren.

Abazhurë muri

Një strategji e duhur nëse nuk jeni të gatshëm të sakrifikoni asnjë centimetër nga sipërfaqet e komodinës apo murit. Njerëzit shpesh vijnë të lodhur nga puna dhe duan pak rehati dhe komoditet. Leximi i një libri, qetësia në dhomën e gjumit e kthejnë këtë hapësirë në një oaz relaksi, ndaj nëse doni një dhomë më të madhe, zgjidhni abazhurë muri, jo nga ata mbi komodina apo të varur, kjo sipas arkitektëve.

Rafte deri në tavan

Nëse keni hapësira të lira në mure, pse të mos vendosni rafte që shkojnë deri në tavan? Në vend të një ose dy rafteve, arkitektët sugjerojnë që të zgjidhni dollapë të gjatë deri në tavan dhe kjo ju ndihmon që të shmangni rrëmujën në shtëpi. Gjërat që nuk i përdorni shpesh vendosini sa më lart në rafte.

Krevat i mbuluar me tendë

Nëse keni një dhomë të dedikuar për miqtë në shtëpi dhe ju duket se nuk keni mjaftueshëm hapësirë, zgjidhni një krevat me tendë, por bëni edhe disa vrima në mur për disa grepa ku mund të varni çanta, xhaketa, rroba etj.

Rafte alumini mbi banakun e gatimit       

Si ta bëni më funksionale çdo hapësirë në shtëpi? Rafte alumini që mund t’i bëni me porosi për pjesën mbi këndin e gatimit. Mund të vendosni pjata në to, thikë, lugë dhe gjithçka tjetër që ju nevojitet gjatë procesit të gatimit dhe jo vetëm.

Stola pufe për komoditet

Për të balancuar stilin dhe rehatinë në shtëpinë tuaj, shtoni dy pufe që janë shumë fleksibël. Modele funksionale dhe komode për çdo hapësirë, sidomos kur keni një shtëpi të vogël.

Burimi: Real Simple