Flokë me yndyrë që kthehen në stres sepse duhet t’i lani shpesh, gjithmonë në vështirësi për të zgjedhur shampon e duhur që ju shpëton nga ky problem? Por, a ka një formulë magjike që e heq yndyrën nga flokët tuaj? Ekspertët thonë që shampoja e thatë është zgjidhja dhe ja pse duhet ta përdorni:
Larja e shpeshtë e flokëve me yndyrë nuk e zgjidh problemin, përkundrazi mund ta përkeqësojë atë. Shampoja e thatë është një alternativë e mirë thonë ekspertët, pasi kjo lloj shampoje thith sebumin e tepërt dhe eliminon efektin yndyror në flokë.
Formulat më të mira të shampove janë ato që ju lejojnë të kontrolloni edhe prodhimin e sebumit, në mënyrë që të minimizoni rishfaqjen e problemit. Duhet të dini se është e rëndësishme që shampot të kenë përbërje të lehta që të mos rëndojnë gjendjen e flokëve, por njëherësh të përmirësojnë edhe shëndetin e lëkurës së kokës.
Disa sugjerime për shampot e thata:
Shampo me vaj argani
Ideale për flokë të yndyrshëm, kjo shampo thith sebumin e tepërt dhe i lë flokët të pastër dhe të freskët.
Shampo me niseshte
Kjo shampo ushqyese ka në përbërje qymyrin e bardhë dhe ni
seshtenë natyrale. Thith lehtësisht sebumin e tepërt dhe largon papastërtitë nga flokët.
Shampo me hithra
Hithra ka efekt të detoksifikues. Në formulimin e shampos me hithra ka përbërës natyralë që rregullojnë prodhimin e sebumit.
Shampo me niseshte misri
Niseshteja e misrit nuk është vetëm një përbërës i dobishëm në kuzhinë, por edhe në rutinën e bukurisë. Një formulë që thith sebumin e tepërt dhe heq papastërtitë nga flokët.
Shampo detoks
Kjo lloj shampoje e thatë thith sebumin e tepërt, pastron lëkurën, eliminon toksinat, grimcat e papastërtive dhe erën e keqe.
Kujdes: Mos e teproni me përdorimin e shampos së thatë. Këshillohuni me dermatologun nëse vini re ndryshime në skalpin e kokës pas përdorimit të shampos së thatë.
Burimi: Cosmpolitan
