Që ta dini ju, edhe kur Selena Gomez thotë që nuk e mban Instagram-in në telefonin e saj sepse i ndikon në shëndetin mendor, Instagram-i dëgjon. Boss-i i kësaj platforme, Adam Mosseri, i pyetur rreth kësaj deklarate të bërë nga ylli i Disney-it së fundmi, u përgjigj me shumë seriozitet.
Para përgjigjes së tij, ju kujtojmë se Selena ishte e qartë kur tha se aplikacioni i Instagram-it nuk ishte i shëndetshëm për të dhe për asnjë të ri.
“E përdorja shumë më parë, por mendojë se është bërë shumë i pashëndetshëm për të rinjtë, përfshi këtu dhe mua. Kalojmë shumë kohë duke parë komente, foto dhe të gjitha këto ndikojnë tek unë. Do të më bënte të bija në depresion. Më bënte të mos ndihesha mirë me veten, e shihja ndryshe trupin tim dhe gjëra të tjera si këto. Prandaj e fshiva fare si aplikacion nga telefoni im. Kur dua të ndaj diçka me fansat, i marr telefonin dikujt që e ka dhe kaq.”
Fjalë të tilla sigurisht s’i kanë pëlqyer aspak kreut të Instagram-it i cili u shpreh se ndihej i zhgënjyer duke qenë se Selena është një nga 3 personat që ndiqet më shumë.
“Nuk do ta përforcoja eksperiencën e Selena-s me eksperiencën që unë apo të tjerët kalojmë këtu. Ajo ka mbi 100 milion ndjekës. Është komplet një botë e tërë. Ne nuk duam që njerëzit të bien në depresion duke përdorur platformën tonë, por as nuk mund t’i ndalojmë njerëzit të thonë gjëra të këqija apo të pahijshme. Pra, duhet gjetur një ekuilibër.”- u shpreh ai.
Ndër të tjera, boss-i i platformës u shpreh se është gjithashtu i hapur të mësojë nga eksperienca e Selena-s për të përmirësuar Instagram-in, kështu që e fton në bisedë të hapur!
