Lajmi se Enca u arrestua për posedim të 5 vazove me kanabis bëri xhiron e rrjetit. Këngëtarja u lirua dy ditë më vonë dhe Gjykata e Tiranës ka vendosur për të masën “detyrim paraqitjeje”. Pas vendimit, Enca bëri në Instastory reagimin e para publik.
 
Fillimisht, publikoi një zemër të kuqe.

Më pas, një tjetër foto me sfond të zi, ku shkroi: “Jam shumë mirënjohëse dhe e bekuar për të gjithë suportin, komentet pozitive dhe dashurinë që kam marrë gjatë ditëve të vështira që kalova”, shoqëruar me një emoji lutjeje, një tjetër me sytë e përlotur dhe me një zemër të kuqe.

Këngëtarja u arrestua pasi kishte mbjellë kanabis në oborrin e banesës së saj. Gjykata vendosi të caktojë masën e detyrimit të paraqitjes.

Report Tv raportoi se Enca nuk foli kur u paraqit në bankën e të akuzuarës në gjyq, në një seancë pa praninën e kamerave. Xhaxhai dhe njëkohësisht avokati i saj pretendoi se kontrolli në banesën ku u zbuluan rrënjët e kanabisit u bë pa vendim gjykate, por me iniciativë të policisë.

Në vijim do të bëhet një analizë laboratorike për të faktuar nëse këngëtarja ishte apo jo përdoruese e kanabisit.

Kur u arrestua, thuhet se Enca u shpreh se është përdoruese dhe i kishte vazot me kanabis për përdorim vetjak.