Vërdallë po thuhet se Cher, 77 vjeç, është rikthyer sërish me të Alexander “AE” Edwards, 37 vjeç dhe të themi të drejtën, ata po i hedhin më shumë benzinë zjarrit.
Ikona e popit u fotografua e kapur për dore me Alexander ndërsa kishin përfunduar darkën në Beverly Hills, së bashku me J Balvin, Valentina Ferrer dhe Tyga.
Të dy, të veshur me të zeza, injoruan pyetjet e paparacëve nëse ishin rikthyer së bashku dhe shkuan drejt makinës, ku bënë një bisedë intime, të mbushur me të qeshura.
Cher dhe Alexander Edwards i dhanë fund lidhjes së tyre, pas disa muajve së bashku. Sipas burimeve, ndarja ndodhi disa muaj më parë dhe ishte një vendim i përbashkët dhe miqësor.
Ata u lidhën në nëntor të vitit 2022 dhe u përballën me shumë kritika për shkak të diferencës së tyre të madhe në moshë, pasi reperi është 40 vite më i ri. Më parë, Alexander ka qenë i lidhur me Amber Rose.
Cher e konfirmoi romancën me Alexander në Twitter dhe u shpreh mjaft e dashuruar.
Artikuj të sugjeruar:
