Halle Berry dhe Drake duket se janë përfshirë në një konflikt me njëri-tjetrin dhe shkak është bërë një foto e aktores.

Në këngën e re me SZA, “Slime you out”, Drake përdori si kopertinë një foto të Halle Berry-t në çmimet Nickelodeon Kids' Choice 2012. Aktorja shfaqet e mbuluar me slime (lëndë e trashë, veshtullore me strukturë elastike dhe të lëmuar).

Pasi dikush e pyeti se pse është kaq “e acaruar” kur fotoja është në pronësi të Getty Images, aktorja pretendoi se reperi e pyeti atë fillimisht dhe ajo nuk ra dakord për përdorimin e fotos.

“Sepse ai më pyeti dhe unë i thashë JO, kjo është arsyeja pse,” u përgjigj Berry në Instagram. “Pse më pyet kur ke ndërmend të bësh si do ti! Kjo është [si të më thuash] ‘ik p*rdhu’. S’është e këndshme. E kupton?”

Sqarimi i aktores vjen dy ditë pasi ajo e kritikoi Drake për përdorimin e fotos. “Kur njerëzit që admiron të zhgënjejnë, duhet të jesh njeriu i matur dhe të vazhdosh përpara,” u shpreh ajo.

Drake nuk ka reaguar.

Bashkëpunimi me SZA është pjesë e albumit të tij të ardhshëm, “For all the dogs”, i cili do të publikohet më 6 tetor.