Millie Bobby Brown, e cila shumë shpejt do të kurorëzojë dashurinë e saj me Jake Bongiovi, djalin e legjendarit Jon Bon Jovi, thotë se këngëtari i famshëm nuk do të përformojë në dasmën e tyre për një arsye shumë të thjeshtë: Të bëjë një pushim!
Ylli i “Stranger Things” tregoi planet e saj për martesën në “Today With Hoda & Jenna” dhe ndër të tjera tha se jo, të ftuarit dhe çifti nuk do ta dëgjojnë live “It’s My Life” të kënduar nga Jon Bon Jovi në ceremoninë martesore.
“Mendoj se atij burri i duhet një pushim. Ai s’ndalon. Është përherë duke luajtur tenis, apo në mësimet e këndimit. Mendoj se i duhet një pushim, mbase diku tek tre orë. S’e di sa do zgjasë”, tha Millie, referuar këngëtarit 61-vjeçar.
Ajo foli edhe se përgatitjet për dasmën kanë qenë paksa stresuese, por fatmirësisht, i fejuari po e ndihmon shumë. “Nuk ka qenë gjithë kohës stresuese. Jake është shumë i përfshirë. Ai më ndihmon shumë gjatë gjithë procesit. Nuk jam ndjerë kurrë vetëm dhe mendoj se kjo është gjë e mirë”, tha aktorja 19-vjeçare dhe shtoi se dasma është një ditë shumë intime për të dy dhe çifti është shumë entuziast.
Millie dhe Jake u fejuan në prill të këtij viti dhe aktorja ndau me ndjekësit lajmin e bukur, përmes një postimi në Instagram.
View this post on Instagram
Ylli 19-vjeçar tregoi unazën e madhe me diamant, ndërkohë, edhe partneri i saj publikoi një foto në të cilën shkroi: “Përgjithmonë”, shoqëruar me emoji-n e një zemre të bardhë.
Dyshja është njohur në Instagram. Fillimisht, ata ndezën thashethemet se ishin bashkë në vitin 2021 dhe e konfirmuan lidhjen në mars të 2022-shit, kur u paraqitën në ceremoninë e çmimeve BAFTA.
Millie e ka thënë gjithnjë se partneri i saj është fantastik dhe ja, e shohim se janë mëse të lumtur bashkë!
Artikuj të sugjeruar:
