A keni menduar ndonjëherë pse disa njerëz jetojnë deri në 100 vjeç ose më shumë? Një ekip antropologësh, epidemiologësh dhe studiuesish u përfshinë në një studim për të identifikuar pesë Zonat Blu me përqindjen më të lartë të 100-vjeçarëve që jetojnë atje.
Megjithëse është e rëndësishme që njerëzit të kuptojnë se dieta e Zonave Blu nuk është një dietë specifike, por një stil jetese që karakterizohet nga lidhjet e forta sociale, aktivitetet fizike dhe reduktim i stresit.
Ku ndodhen “zonat blu”?
Sardenja, Itali: Vendasit ecin të paktën pesë milje çdo ditë dhe ndjekin një dietë me bazë bimore.
Okinawa, Japoni: Jetëgjatësia ndikohet nga lidhjet e ngushta shoqërore, si dhe një mantra e vjetër konfuciane që shprehet para vakteve dhe iu kujton atyre që të shmangin ngrënien e tepërt.
Loma Linda, Kaliforni: Komuniteti ndjek një dietë kryesisht vegane.
Nicoya, Kosta Rika: Dieta e tyre është e bollshme me fruta tropikale të mbushura me antioksidantë, ndërsa uji i tyre është i pasur me kalcium dhe magnez.
Ikaria, Greqi: Ky ishull në Greqi është i njohur për vendasit jetëgjatë që ndjekin një dietë mesdhetare të bollshme me vaj ulliri, fruta, perime, drithëra dhe fasule.
Si ta ktheni dietën e Zonave Blu në një stil jetese:
Lëvizni shumë: Të kuptohemi, të moshuarit nuk vrapojnë si në maratona, por qëndrojnë aktivë gjithë ditën. Ecin shumë, merren me shtëpinë, kopshtin, gatuajnë, etj.
Qëllimi: Ata që jetojnë në Zonat Blu kanë një motiv të fortë dhe të përditshëm në jetën e tyre dhe kjo përkthehet në shprehjen "pse zgjohem në mëngjes".
Ndryshime të vogla: Stresi është i pashmangshëm kudo që jetoni, por ata përpiqen të heqin stresin, ndaj një sy gjumë apo një gotë verë janë një super gjetje.
Rregulli 80%: Ata që jetojnë gjatë ndalojnë së ngrëni kur janë 80% të ngopur dhe ky është një rregull. Kjo luan shumë rol në menaxhimin e peshës.
Perime të freskëta: Agrumet, frutat, perimet dhe fasulet janë themelet e dietës së Zonave Blu. Mishi hahet vetëm pesë herë në muaj.
Vera: Një deri në dy gota alkool në ditë me miqtë ose në një vakt nuk bëjnë keq.
Besimi: Shumica e individëve të Zonave Blu i përkasin një komuniteti dhe ndjekin rregullisht shërbimet sipas fesë që besojnë.
Familja: Ata e vendosin familjen në radhë të parë dhe përpiqen të kenë një partner gjatë gjithë jetës.
Rrjetet sociale: Miqësia dhe lidhjet e ngushta shoqërore hyjnë tek sjelljet e shëndetshme në rajonet e Zonave Blu.
Burimi: Good Housekeeping
