Të gjithë kalojmë periudha të trazuara në jetë dhe për të qetësuar shpirtin, priremi të gjejmë terapi nga më të ndryshmet, nga bisedat me miqtë, tek një seancë me psikologun, ecje në natyrë e plot metoda të tjera.
Tashmë, në lojë po futen edhe kristalet, që manifestojnë energji të ndryshme për të shëruar gjendje apo momente të vështira në jetën e kujtdo. Disa personazhe të famshme si Victoria Beckham apo Miranda Kerr kanë folur publikisht për besimin në këtë praktikë, ndërsa media sociale ka luajtur rol në popullaritetin e kësaj qasjeje.
"Ajo që kam parë vitet e fundit është një nevojë më e thellë për t'u lidhur me energjinë shëruese që kanë kristalet," thotë njohësja e tyre, Emma Lucy Knowles.
Por si funksionon e gjitha? Ekspertja e kësaj fushe Knowles zbulon gjithçka që lidhet me kristalet dhe fuqinë e tyre në transformimin e gjendjeve emocionale dhe jo vetëm:
Jade-shëndeti dhe jetëgjatësia
Jade është përdorur prej kohësh për të pastruar dhe shëruar trupin. Përmes një praktike meditimi, kristali Jade ndihmon në çlirimin e trupit nga toksinat.
Citrine-biznes dhe kreativitet
Kristali Citrine është ideal për sipërmarrësit sepse me fuqinë e tij stimulon trurin, rrit vetëvlerësimin, motivimin dhe kreativitetin.
Rose Quartz (kuarc rozë)- dashuri dhe miqësi
Rose quartz është një kristal i njohur dhe popullor që zëvendëson negativitetin me energjitë pozitive dhe dashurinë.
Turquoise (turkez)- ekulibri dhe mençuria
Ky kristal stabilizon luhatjet e humorit, qetëson frikën dhe ju lehtëson në situata të frikshme.
Clear Quartz (Kuarc i pastër)- pastron energjinë negative
Ky kristal ekuilibron energjinë negative dhe rrit forcën e brendshme të besimit.
Amythest (Ametist) -meditimi
Përdoret për të lehtësuar stresin dhe për të hequr negativitetin. Ky kristal është burim i mbështetjes për mendjen dhe energjinë pozitive.
Burimi: Harper’s Bazaar
