Chris Evans dhe Alba Baptista do të martohen edhe një herë tjetër në Portugali, në mënyrë që edhe familja e saj të mund të festojë së bashku me çiftin ditën më të lumtur të dashurisë së tyre.
Chris dhe Alba u martuan në fundjavë në një ceremoni private në shtëpinë e tij dhe sipas burimeve, do të ketë një tjetër dasmë në Portugali. “Do të bëhet një tjetër mbledhje në Portugali për anëtarët e familjes së Alba-s që s’mund të ishin në Massachusetts, gjatë kësaj jave besoj”, u shpreh burimi, duke shtuar se çifti planifikon që të shkojë në Portugali për muajin e mjaltit.
Aktori 42-vjeçar dhe bashkëshortja, 26 vjeç, u martuan një ceremoni shumë private, në të cilën ishin prezentë miq dhe familjarë të çiftit. Lista e të ftuarve përfshinte ndër të tjerë persona, edhe kolegët e Evans, si: Robert Downey Jr, Chris Hemsworth dhe Jeremy Renner.
Ylli i “Avengers” dhe aktorja e “Mrs. Harris Goes to Paris” u përfolën për romancën e tyre në nëntor të vitit 2022, kur një burim tha për People se dyshja është lidhur prej një viti.
“Ata janë të dashuruar dhe Chris s’ka qenë kurrë më i lumtur”, tha burimi asokohe dhe e quajti marrëdhënien “serioze”, duke shtuar se edhe miqtë dhe familjarët e adhurojnë Alba-n.
Evans dhe Baptista e kanë mbajtur marrëdhënien e tyre private dhe larg syve kureshtarë, megjithatë, aktori ka folur më parë për dëshirën për t’u martuar dhe krijuar një familje. Në një intervistë për People, Chris është shprehur: “Absolutisht, kjo është diçka që e dua, bashkëshortja, fëmijët, krijimi i një familjeje. Këto janë gjërat më të rëndësishme. E adhuroj idenë e traditës dhe ceremonisë”, ka thënë ai.
Artikuj të sugjeruar:
