Faruk Fatih Özer, drejtori ekzekutiv i një prej pikave të shkëmbimeve të kriptove në Turqi, Thodex, u dënua me 11,196 vjet, 10 muaj dhe 15 ditë burg.
Thodex ishte një nga pikat më të mëdha të kriptove në Turqi përpara prillit të vitit 2021, kur Özer u zhduk. Më shumë se 400,000 anëtarë mbetën pa akses në paratë e tyre: një total prej 2 miliardë dollarësh në kriptovaluta.
Özer dyshohej se ishte arratisur nga Turqia dhe pasi Interpoli lëshoi një urdhër arresti për të, ai u arrestua në Shqipëri vitin e kaluar.
Thuhet se Özer ka vepruar me qëllim mashtrimi që në fillim dhe se Thodex ishte një organizatë kriminale. Rënia e Thodex shkaktoi valë tronditëse në të gjithë Turqinë, ku kripto u përdor gjerësisht për të mbrojtur kursimet nga inflacioni i lartë dhe zhvlerësimi i lirës.
Gjykata në Stamboll dënoi Özer-in me akuza të ndryshme duke përfshirë mashtrim, udhëheqje të një organizate kriminale dhe pastrim parash.
Një dënim i tillë mund të jetë befasi për shumë njerëz, por janë mjaft të zakonshme në Turqi.
Në vitin 2016, Fethullah Gylen, udhëheqës i një lëvizjeje sociale dhe fetare dhe kundërshtar i presidentit Recep Tayyip Erdogan, u dënua me 1,900 vjet burg me akuzën e përpjepjes për të organizuar një grusht shteti.
Gjashtë vjet më vonë, Adnan Oktar (lider i një kulti), i cili u dënua për një sërë krimesh, duke përfshirë sulmin seksual, u dënua me më shumë se 8,600 vjet burg.
