Femijë

Mënyra e vetme për të rritur fëmijë që përshtaten lehtë: E zbulon ky studim

Shkruar nga Anabel

7 Shtator 2023

Mënyra e vetme për të rritur fëmijë që

Të rrisësh fëmijë që dinë të dalin në sipërfaqe pas çdo problemi apo situate të papritur është një sfidë më vete për çdo prind.

Një studim i ri tregon se kreativiteti mund të ndihmojë për të rritur fëmijë që përshtaten lehtë.

"Ka shqetësime në lidhje me këta fëmijë sidomos pas pasojave të Covid-it pasi shumë prej tyre po kalojnë kohë të vështira në shkollë dhe jetën e përditshme,” thotë Angus Fletcher, autor i studimit dhe profesor në universitetin e Ohio-s.

"Zhvillimi i kreativitetit mund t'i ndihmojë fëmijët të krijojnë një plan të dytë kur gjërat nuk po funksionojnë për ta".

Mësimi i fëmijëve për ndryshimin e këndvështrimit mund t'i ndihmojë ata t’i zgjidhin më mirë problemet.

Mënyra e vetme për të rritur fëmijë që

Në këtë studim morën pjesë fëmijë nga klasa e tretë, e katërt dhe e pestë. 32 nxënës u ndanë në dy grupe. Një grupi iu kërkua të mendonte për një mik që kishte aftësi të veçanta dhe mund t'i ndihmonte ata të zgjidhnin çdo problem. Grupit tjetër iu tha të identifikonte një cilësi të veçantë brenda vetes.

94% e grupit të nxënësve që përdori ndryshimin e perspektivës ishte në gjendje të dilte me zgjidhje për të dy problemet. Më pak se gjysma e nxënësve të grupit tjetër ishin në gjendje të zgjidhnin problemin që u ishte caktuar dhe asnjëri nuk mund të zgjidhte problemet e veta.

Mënyra e vetme për të rritur fëmijë që

"Kur u kërkon njerëzve të ndryshojnë këndvështrimin dhe të imagjinojnë bisedat apo këshillat me një mik, ju përpiqeni të gjeni zgjidhje më efektive për problemet sesa thjesht të përpiqeni ta zgjidhni vetë situatën,” vijon Fletcher.

Fëmijët shpesh mund të zemërohen ose të turpërohen nëse u vjen papritur një problem që kërkon shumë kohë për t'u zgjidhur. Por nëse ata përdorin ide kreative, ky studim tregon se ata janë më fleksibël në gjetjen e zgjidhjeve.