Avioni transatlantik i Delta Air Lines u detyrua të kthehej pasi një pasagjer pati një rast të rëndë diarreje, sipas raporteve të shumta.

Fluturimi DL194, që udhëtonte nga Atlanta në Barcelonë, duhej të bënte një kthesë pranë Virginia-s të premten, tregojnë të dhënat nga Flightradar24. Një transmetim audio midis pilotëve dhe kontrollit të trafikut ajror i regjistruar nga LiveATC.com u shpërnda nga një entuziast i aviacionit në Twitter.

“Është thjesht një çështje e rrezikut biologjik,” dëgjohet piloti. “Ne kishim një pasagjer që kishte diarre gjatë gjithë rrugës në avion, kështu që ata duan që ne të kthehemi në Atlanta."

Ekuipazhet e mirëmbajtjes kaluan pesë orë duke pastruar avionin pas uljes së detyrueshme, duke përfshirë zëvendësimin e tapetit, i cili ishte bërë pis në gjithë gjatësinë e tij.

Njerëzit në rrjete sociale shkruan se ekipi nisi të pastronte, dezinfektonte dhe aromatizonte zonën, ndonëse sprucimi i aromës së vaniljes thjesht sa përkeqësoi ajrin e rëndë.

Jashtëqitje të tilla mund të përmbajnë një sërë mikrobesh të ndryshme duke përfshirë çdo patogjen që mund të ketë shkaktuar diarrenë në radhë të parë.

Pasagjerët, duke përfshirë edhe atë që vuante nga diarreja, u lejuan të hipnin sërish pas tetë orësh dhe shkuan në Barcelonë të shtunën pasdite pa asnjë incident të mëtejshëm.