Mund të jetë data 1 shtator dhe mund të jetë paksa herët për të vendosur se ç’dua në listën e dëshirave, ama, po rrezikoj dhe po shtoj këtë fustanin mahnitës të Amal Clooney, e cila shkëlqeu në Venecia, në ceremoninë e çmimeve DVF, ku u nderua për kontributin e saj në jetën e grave.
Amal mori çmimin "Leadership" nga Diane von Fustenberg dhe fondacioni i familjes Furstenberg, për punën e saj transformuese për jetën e grave dhe të të drejtave të njeriut.
Çifti mori pjesë në ceremoninë prestigjoze dhe George, në çdo moment mbështeti me krenari bashkëshorten e tij, duke buzëqeshur dhe mbajtur duart e saj. Ai u kombinua kaq bukur me Amal, me një kostum dhe këmishë të zezë, si një burrë që e admiron klasiken.
Nga ana tjetër, Amal veshi këtë fustan fantastik, të cilin e kombinoi me sandale në ngjyrë argjendi. Në të njëjtën ngjyrë ishin edhe bizhuteritë e saj.
Qyteti i Venecias ka një rëndësi speciale për çiftin, pasi në vitin 2014, ata kurorëzuan dashurinë në një ceremoni përrallore.
Artikuj të sugjeruar:
