Njerëzit që operohen nga kirurge femra kanë më pak gjasa të përjetojnë komplikime ose të kenë nevojë për trajtime të mëtejshme post-operacionit në krahasim me herët kur meshkujt përdorin bisturinë, sipas dy studimeve që sugjerojnë se kirurgët duhet të marrin shembull nga koleget.
Mjekët në Kanada dhe Suedi shqyrtuan të dhënat e më shumë se 1 milion pacinetëve nga dy regjistra të mjekësorë dhe zbuluan se pacientët e vizituar nga kirurget femra kishin rezultate dukshëm më të mira me më pak probleme në muajt pas operacionit.
Studiuesit po hetojnë arsyet e mundshme për këtë dallim, por të dhënat sugjerojnë se kirurget priren të operojnë më ngadalë dhe mund të arrijnë rezultate më të mira duke qëndruar më gjatë në sallën e operacionit.
Dr. Christopher Wallis, i cili drejtoi një nga studimet në spitalin Mount Sinai në Toronto, tha se të dhënat duhet t'i nxisin kirurgët meshkuj të reflektojnë mbi qasjen e tyre ndaj operacionit dhe të mësojnë nga koleget për të mirën e pacientëve të tyre.
“Si kirurg mashkull, mendoj se këto të dhëna duhet të bëjnë që unë dhe kolegët e mi të ndalemi dhe të mendojmë mbi arsyet se pse mund të ndodhë kjo,” tha ai.
Studimi u botua në JAMA Surgery.
