Getty Images

Keke Palmer festoi ditëlindjen me ish-të dashurin dhe babain e fëmijës së saj, Darius Jackson.

Ata dolën live në Instagram për 30-vjetorin e aktores dhe Darius u shpreh: “Mami im është Virgjëreshë, vëllai Virgjëreshë, miku i ngushtë Virgjëreshë, gjyshja Virgjëreshë” dhe më pas, sheh nga Keke dhe thotë: “Partnerja ime në krim është Virgjëreshë”, duke treguar se njerëzit më të rëndësishëm në jetën e tij i përkasin pikërisht kësaj shenje horoskopi.

Nga ana tjetër, Keke e falenderoi Darius që ia bëri ditëlindjen speciale. “Të falenderoj që e bërë speciale ditëlindjen time”, duke shtuar se veprimi ishte shumë e ëmbël.

Ky ribashkim i tyre vjen pas postimit të Darius në rrjete sociale, i cili kritikoi dhe gjykoi veshjen e ish-partneres në koncertin e Usher.

Darius publikoi në Twitter një video të Keke-s në koncertin e Usher dhe shkroi: “Veshja…ti je një nënë”.

Menjëherë njerëzit e komentuan veprimin e tij, duke argumentuar se:

Keke duket një yll.
Mamatë mund të veshin ç’të duan!

Darius u kundërpërgjigj përmes një reagimi, ku shkroi: “Jetojmë në një gjeneratë ku një burrë familjar nuk do që bashkëshortja dhe e ëma e fëmijëve të tij të tregojë të pasmet që të kënaqë të tjerët dhe atij i thonë që është një inatçi. Kjo është familja dhe përfaqësimi im. Unë kam standarde dhe morale në të cilat besoj”.
 
Keke dhe Darius kanë qenë bashkë që prej vitit 2021 dhe ata u takuan në një festë. Në shkurt të këtij viti sollën në jetë djalin e tyre. Çifti e ka mbajtur mjaft private marrëdhënien e tyre, por ngadalë kanë nisur të tregojnë më shumë detaje rreth romancës së tyre.

Artikuj të sugjeruar: