Dafina është kryefjala e konflikteve virtuale këto ditët e fundit (se jemi edhe në prapavijën e Mërkurit për ju që s'besoni në horoskop) dhe duket se për pak çaste e ka lënë paksa në hije dramën me Sarën dhe Ledrin dhe ka nisur një tjetër me Beatrix Ramosajn.
 
Dje, duke gërmuar, si njerëz kuriozë që jemi, pamë se as Dafina dhe as Beatrix nuk e ndiqnin njëra-tjetrën në Instagram. Supozohet se Dafina ka fshirë këngët e DJ Geek, pas ndarjes me të dhe mes këngëve ka qenë edhe bashkëpunimi i Geek me Beatrix Ramosajn, “Ma shum”.

Beatrix reagoi në Instagram, ku shkroi: “Unë s’i kam bërë unfollow askujt. Më hoqën nga lista e ndjekësve. Dua të sqaroj se nuk ka asgjë veç dashurisë dhe respektit nga ana ime”, duke shtuar edhe se për sa është në dijeni, nuk ka pasur kurrë tension mes tyre.

 
Geek ndërkohë ka njoftuar ndjekësit dhe fansat se për momentin, këngët e tij janë fshirë nga kanali i Moneyz Music dhe shumë shpejt, do të publikohen në kanalin e tij.
 
“Publik i dashur! Ju faleminderit për këtë rrugëtim të paharrueshëm! Gjashtë vitet e fundit kanë qenë eksperiencë shumë e veçantë për mua. Ky ishte show-i i fundit për mua me ekipin Moneyz”, u shpreh ai në një postim në Instastory dhe theksoi se i falenderon dhe është shumë mirënjohës për të gjithë anëtarët e ekipit.

 
Më tej, njoftoi se projektet do të kalojnë në kanalin e tij në Youtube:
 
“Projektet e mia në Youtube shumë shpejt do të rikthehen në kanalin tim personal!”, përfundoi DJ Geek.

Artikuj të sugjeruar: