Atlanta, Shtetet e Bashkuara
Fotografia e parë e ish-presidentit Donald Trump si i akuzuar në burgun e Fulton, Atlanta. Trump u dorëzua në burg me pretendimin se është përpjekur të përmbysë rezultatet zgjedhore të vitit 2020, në Georgia, ku u krye edhe fotoja.
Kuzhenkino, Rusi
Një burrë qëndron pranë mbetjeve të avionit që u rrëzua pranë fshatit Kuzhenkino në rajonin Tver. Sipas zyrtarëve, lideri i mercenarëve të grupimit Wagner, ishte në avion së bashku me 9 persona të tjerë. Nga përplasja, të 10 personat u raportuan të vdekur.
Cathedral City, Kaliforni, SHBA
Shumë automjete dhe banesa u dëmtuan pasi stuhia tropikale, Hilary goditi një pjesë të Kalifornisë jugore. Si pasojë e stuhisë u përmbyet edhe një kamp i të pastrehëve në Cathedral City.
Chasia, Greqi
Vullnetarët shpëtojnë delet në një fermë të djegur gjatë një zjarri shkatërrues në fshatin Chasia, pranë Athinës. Zjarrfikësit kanë pasur një punë mjaft të vështirë, pasi gjatë 5 ditëve të fundit, janë përpjekur të shuajnë rreth 355 zjarre.
Sidney, Australi
Luis Rubiales, presidenti i Federatës së Futbollit në Spanjë, puthi në buzë futbollisten Jenni Hermoso, e cila shënoi ndaj Anglisë, duke i dhënë skuadrës fitoren e Kupës së Botës për femra. Ngjarja ngjalli shumë kritika dhe reagime. Presidenti kërkoi ndjesë dhe vijon të jetë në krye të federatës, ndërkohë që FIFA ka nisur një hetim ndaj tij.
Chernihiv, Ukrainë
Një burrë i plagosur ecën në sheshin “Krasna”, përballë teatrit “Taras Shevchenko Chernihiv”, pas një sulmi rus.
Lumi Hay, Kanada
Anëtarët e Regjimentit të 22-të Mbretëror duke shuar zjarrin pranë lumit Hay. Më shumë se 380 vatra zjarri janë aktive në të gjithë Kolumbinë Britanike, ndërkohë që 150 prej tyre kanë dalë jashtë kontrollit.
Mbare, Zimbabve
Një ndjekës i Misionit të Besimit Apostolik ngre dorën ndërsa lutet për zgjedhje paqësore gjatë një meshe në “ Gospel Fire Cathedral”, në qytezën Mbare në Harare. Situata e rënduar ekonomike kanë bërë që qytetarët të kërkojnë përsëritje të zgjedhjeve të kryera në 2018-ën.
Kelowna, Kanada
Tymi i zjarreve shkatërruese mbushin qiellin, ndërkohë që njerëzit shohin pasojat e zjarreve në mjedis. Zyrtarët në provincën kanadeze u kërkuan banorëve që të dëgjonin paralajmërimet e tyre dhe të evakuoheshin nga zonat e kërcënuara nga zjarret.
Kanali anglez
Një varkë me rreth 50 emigrantë depërton në ujërat angleze, pasi u shoqërua nga një anije luftarake franceze nga vija bregdetare franceze. Më shumë se 175,000 azilkërkues janë duke pritur për një vendim për aplikimin e tyre për azil në Mbretërinë e Bashkuar. Shifrat kanë arritur një rekord shumë të lartë, sipas statistikave të publikuara nga “Home Office”.
Zababdeh, Bregu Perëndimor
Nëna e palestinezit Othman Abu Khorg, në funeralin e të birit, i cili ndërroi jetë pasi u qëllua në kokë nga ushtarët izraelitë, gjatë një bastisjeje në fshat.
Chasia, Greqi
Zjarri që shpërtheu në fshatin Chasia në periferi të Athinës ka shkaktuar 20 viktima gjatë kësaj jave. Vatrat kanë dalë jashtë kontrollit dhe situata është mjaft e vështirë dhe kaotike.
Tondo, Filipine
Disa djem duke luajtur basketball në një fushë. Ky është ndër sportet më të njohura në Filipine dhe konsiderohet si “fiksim kombëtar”, së bashku me konkurset e bukurisë dhe boksin.
Tecoluca, El Salvador
Të burgosurit në qendrën e izolimit kundër terrorizmit, në të cilën mbahen qindra anëtarë të bandave, gjatë një vizite humanitare për të drejtat e njeriut dhe lirinë e shprehjes, e organizuar nga komisioneri presidencial.
Chasia, Greqi
Një burrë evakuon kuajt gjatë zjarrit në Chasia, në periferi të Athinës.
Rancho Mirage, Kaliforni, Shtetet e Bashkuara
Si rrallëherë, kjo zonë nuk ka trafik, si pasojë e shirave të dendur që solli stuhia tropikale Hilary. Stuhia e rrallë la pas rrugë të përmbytura, shtëpi të dëmtuara dhe pemë të thyera.
Naraha, Japoni
Një sërfist në një plazhë në Nahara, në prefekturën e Fukushima-s. Një grup prej 189 sërfistësh morën pjesë në konkursin në plazhin Iëasaëa, 20 km larg termocentralit bërthamor Fukushima Daiichi.
Kiev, Ukrainë
Dy vajza të reja, të ulura në një stol pranë tankeve ruse të shkatërruara në Kiev.
Forcat ukrainase festuan në luftë ditën e pavarsisë së vendit, ndërsa presidenti Volodymyr Zelensky i vlerësoi ukrainasit për qëndresën dhe guximin e tyre.
Kilgoris, Kenia
Një grua Maasai ulet në një motoçikletë gjatë ceremonisë Eunoto. Qindra të rinj Maasai marrin pjesë në ceremoni, një rit tranzicioni që shënon kalimin nga Moran (luftëtar i ri) në moshën madhore.
Hapësirë
Një imazh me timelapse tregon për 1 orë e 40 minuta “jetën” e Veil nebula. Kjo nebula është krijuar para 5,000-8,000 vjetësh, nga shpërthimi i një supernove.
