Stili ikonik i princeshës së ndjerë Diana ka gjetur një “rrugë të re” në duart e Jennifer Lopez. Në postimin e fundit të këngëtares së "Let's Get Loud" në Instagram, ajo ka rikrijuar një version modern të veshjes së ikonës mbretërore dhe të modës, Lady Diana.
View this post on Instagram
Lopez ndau fotot e veshjes elegante, ku dominojnë xhaketa dhe këmisha. Xhaketa sportive në ngjyrë kafe e veshur mbi një këmishë të bardhë, kjo e fundit e zbërthyer për të theksuar dekoltenë. Pjesa e sipërme është e futur në një palë xhinse blu të gjata. Aksesorët e shumtë, varëset, një sërë unazash vezulluese, një palë syze dielli e plotësojnë në tërësi look-un e Lopez.
Ajo që bie në sy është çanta Hermès Birkin e Lopez-it, prej kamoshi në nuancë karamel.
Admiruesit e princeshës së ndjerë të Uellsit gjetën disa ngjashmëri midis stilit të veshjes së Lopez dhe fotove të shumta të familjes mbretërore gjatë viteve. Diana shpesh kombinonte një xhaketë sportive me një bluzë të rehatshme dhe xhinse me bel të lartë.
Princeshë Diana, ishte e njohur për dashurinë e saj për çantat. Lopez gjithashtu i “dashuron” modelet e Hermès Birkin.
