Dy viza në testin e shtatzënisë janë prova dhe emocioni i një jete të re që pritet të nisë. Por, kur është momenti i duhur për ta ndarë lajmin e bukur me familjarët apo miqtë? Kurdo që ju të jeni gati!
Si ta shprehni atë? Ja disa fraza origjinale!
Si t'i tregoni babit të ardhshëm
Nëse ai nuk di ende asgjë, dhënia e lajmit të gëzuar në mënyrë argëtuese dhe origjinale do ta bëjë edhe më të veçantë këtë moment. Ndonjë ide? Një shënim brenda një biskote të bërë në shtëpi ose një letër pranë testit pozitiv të shtatzënisë.
-I dashur babi, mezi pres të të takoj pas nëntë muajsh.
-Pushojmë tani: për nëntë muaj nuk do të jetë më e mundur!
-Nuk kam lajme të mëdha për ty, por bebi ynë do të të thotë se jam shtatzënë…
-A ke bërë pazar? Tani e tutje do të më duhet të ha për dy!
-I dashur babi, në barkun e mamit ka një surprizë!
Po gjyshërve, si t’ua jepni lajmin e bukur?
Emocioni i tyre do të jetë i jashtëzakonshëm, pavarësisht nëse është përvoja e parë si gjyshër apo jo! Mund të organizoni një darkë me ta, duke caktuar një vend shtesë në tavolinë. Aty ju mund të vendosni një palë këpucë ose një biberon.
Këtu janë disa fraza tipike për gjyshërit:
-Si prindër keni qenë shumë të mirë, ka ardhur koha për një tjetër sfidë: për nëntë muaj do të jeni gjyshër!
-Dikush po kërkon një dado të përhershme. A jeni gati pas disa muajsh?
-Filloni stërvitjen: pas disa muajsh do t'ju duhet të vraponi pas një mistreci të vogël.
-Unë po vij. E di që ju do të jeni gjyshërit më të mirë në botë!
Shprehjet e duhura për të lajmëruar shtatzëninë tek miqtë
Është koha që t'ua njoftoni shtatzëninë miqve të përjetshëm, atyre me të cilët jeni mësuar të bëni pushime, mbrëmje dhe momente relaksi. Ndonjë ide? Nëna e ardhshme, mund të shfaqet në një mbrëmje me një bluzë me fjalët "së shpejti".
Ja shprehjet e duhura:
-Nuk kam asgjë për t'ju thënë, por bebi ynë i vogël do të thoshte se jam shtatzënë!
-Gjithmonë kam pyetur veten se si është të jesh shtatzënë. Epo, tani e di.
-Jeni gati? Grupi ynë po zgjerohet!
