Kjo është prova se tendencat e modës nuk pyesin për temperaturat e larta! Në kulmin e sezonit veror, kur të gjithë “zhytemi” në freskinë e dallgëve të detit ose në një destinacion malor me ajër të pastër, këto vajza të famshme na provojnë të kundërtën sa i takon stilit dhe veshjes.
Çizme të gjata lëkure, në stil kauboj apo me thurje dhe në nuancë rozë si të këngëtares Dua Lipa u veshën në mes të verës kur termometri në shumë qytete të vendit i kaloi edhe 40 gradë celcius.
Nga pasarelat direkt në look-un e pasditeve të nxehta të verës, në darkat me miqtë, shëtitjet e gjata të sezonit, disa nga vajzat të njohura shqiptare dhe të huaja na provuan se çizmet janë një zgjedhje IN për në verë dhe duhet të jenë pjesë e garderobës suaj.
Për mënyrën e duhur të kombinimit, hidhini një sy modeleve që prezantojnë disa prej vajzave të njohura, të huaja dhe shqiptare.
