Elvana Gjata feston sot (3 shkurt) ditëlindjen dhe zgjodhi të ndante me ndjekësit e saj një mesazh të përzemërt që lidhet me rrugëtimin në muzikë dhe rritjen personale.

“Sot është ditëlindja ime dhe po kthej kokën pas për të parë gjithçka që kam kaluar…çdo moment, çdo sfidë, çdo mësim që më ka formësuar në atë që jam sot,” shkruan këngëtarja në rrjete sociale.

Elvana prezantoi “GRADA”, një këngë që i kushtohet këmbënguljes për të ecur përpara.

“’GRADA’ për mua është një arsye për të festuar forcën që gjejmë edhe në momentet më të errëta. Pavarësisht se çfarë na sjell jeta, ne ngrihemi, mësojmë, forcohemi dhe synojmë lart, deri te yjet.” – shton ajo.

“GRADA” do të publikohet këtë të premte.