Lucy Letby, 33 vjeçe, u shpall fajtore për vrasjen e shtatë foshnjave dhe tentativën për të vrarë gjashtë të tjerë në spitalin “Countess of Chester". Krimet e tmerrshme e bëjnë atë vrasësen seriale të foshnjave më të keqe në historinë moderne të Britanisë së Madhe. Ajo që e shtyu infermieren të kryente krimet mund të mos dihet kurrë plotësisht, por panelit të gjyqtarëve iu dhanë disa arsye të mundshme.

Lucy Letby-t i pëlqente “të sillej si Zoti”

Prokurori Nick Johnson KC sugjeroi që Letby, një infermiere në repartin e të porsalindurve, kënaqej duke "luajtur Zotin", duke dëmtuar foshnjat dhe më pas ishte e para që paralajmëronte kolegët e saj për gjendjen e tyre që do të përkeqësohej.

Me “të luash Zotin” në përgjithësi i referohet dikujt që përdor fuqinë që ka për të marrë vendime në lidhje me fatin e jetës së një personi tjetër.

Johnson i tha gjykatës: “Ajo e dinte se çfarë do të ndodhte. Ajo i kontrollonte gjërat. Ajo po kënaqej me atë që po ndodhte. Ajo po parashikonte gjëra që ajo e dinte se do të ndodhnin.”

Ajo “ishte e emocionuar” nga vdekja e foshnjave

Prindërit dhe infermieret e përshkruan Letby-n në më shumë se një rast duke vepruar në mënyrë të pazakontë kur foshnjat papritmas humbnin ndjenjat. Kur foshnja e njohur si Fëmija I vdiq pas sulmeve të përsëritura nga Letby, prindërit e vajzës së vogël i thanë policisë se e mbanin mend infermieren “duke buzëqeshur dhe duke u treguar se si ishte e pranishme në banjën e parë të [Fëmijës I] dhe sa shumë e kishte dashur atë”.

Letby gjithashtu kërkoi në Facebook për familjet e viktimave të saj. Ajo shpesh kërkonte një numër prej tyre brenda disa minutave. Ajo kërkoi për ta në rrjete sociale në ditën e përvjetorëve të vdekjes së foshnjave dhe madje kërkoi emrat e tyre në Faceook në ditën e Krishtlindjeve.

Lucy Letby donte vëmendjen e një mjeku anonim

Prokuroria pretendoi se Lucy Letby kishte një lidhje të fshehtë me një mjek të martuar, i cili punonte në të njëjtin spital dhe nuk mund të përmendet emri për arsye ligjore, megjithëse infermierja e mohoi vazhdimisht këtë.

Tekstet e paraqitura në gjykatë zbuluan se ata dërgonin mesazhe rregullisht, duke shkëmbyer emoji me zemër dhe ishin takuar disa herë jashtë punës – duke përfshirë një udhëtim njëditor në Londër – edhe pasi Letby u hoq nga reparti i të porsalindurve në korrik 2016.

Natyra e marrëdhënies së tyre u tha se mund të ketë qenë domethenëse: ai ishte një nga mjekët që thirrej kur foshnjat përkeqësoheshin papritur. Ajo i lëndoi ata, u pretendua, për të tërhequr "vëmendjen e tij". Letby e mohoi këtë.

Ajo "nuk ishte aq e mirë sa të kujdesej për ta"

Gjatë kontrolleve në adresën e saj, autoritetet gjetën shënime të shkruara nga ajo.

“Unë nuk e meritoj të jetoj. I vrava me qëllim, sepse nuk jam mjaftueshëm e mirë për t'u kujdesur për ta," shkruante ajo në një letër. "Unë jam një person i tmerrshëm i keq" dhe me shkronja të mëdha "Unë jam e keqe që e bëra" shkruheshin në të tjera letra.

Letby dëshmoi në gjykatë se shënimet ishin rrëmuja e dikujt me ankth – ajo i shkroi pasi u pezullua nga puna në pritje të një hetimi për vdekjet e pazakonta – dhe se letrat përmbanin gjithashtu shumë “protesta mbi pafajësisë” e saj.

Letrat ishin prova e parë për policinë, megjithatë as ato nuk e shpjegojnë dot motivin e krimeve.

Lucy Letby dëmtoi foshnjat për të cilat kishte detyrë të kujdesej duke u injektuar ajër në gjak dhe stomak, duke i ushqyer me qumësht, duke i sulmuar fizikisht dhe duke i helmuar me insulinë, deklaroi gjykata. Ajo pritet të dënohet më 21 gusht, me gjasë me burgim të përjeshtëm.

Për më shumë detaje mbi rastin tronditës, klikoni këtu.