Ben Affleck dhe Jennifer Lopez janë zyrtarisht të divorcuar, por kanë ende një gjë të madhe që i mban të lidhur: supervila e tyre me vlerë 60.8 milionë dollarë në Beverly Hills – një pronë që janë përpjekur ta shesin prej muajsh pa sukses.

Tani, sipas burimeve për Daily Mail, Ben është i gatshëm të heqë dorë nga miliona të tjera – vetëm që ta shesin njëherë e mirë dhe të ndërpresë përfundimisht çdo lidhje me ish-bashkëshorten.

“Ben dhe J.Lo e ulën çmimin e shtëpisë me 8 milionë dollarë më pak se ç’e paguan fillimisht, por për Ben-in kjo nuk është asgjë,” thotë burimi.

“Ai do vetëm ta shesin sa më shpejt, që ta ‘presë kordonin’ e fundit që e lidh me Jennifer-in.”

Vila e Ben Affleck dhe Jennifer Lopez

Burimi shton gjithashtu se Ben Affleck “kurrë nuk e ka dashur realisht këtë shtëpi” dhe se blerja ishte më shumë pjesë e imazhit të tyre si çift, sesa dëshirë personale.

“E kupton që J.Lo do të jetë gjithmonë në jetën e tij për shkak të fëmijëve që janë miq të ngushtë, por kjo shtëpi është simboli i fundit i martesës së tyre. Ai vetëm do që të gjejnë një blerës dhe nuk i intereson aspak nëse humbet disa miliona të tjera. Martesa dhe divorci i kanë kushtuar miliona – ç’janë edhe dy milionë më shumë për të?”

Një tjetër burim i afërt me aktorin shton:

“Ben është gati të ecë përpara, ta mbyllë këtë kapitull dhe të fokusohet te gjërat që kanë realisht rëndësi. Ai do thjesht ta jetojë jetën e tij – një jetë që, në pjesën më të madhe, ka qenë me fat. Ka pasur shumë suksese, por bashkë me to vijnë edhe disa humbje.”

Getty

Sa për kontekst: çiftit i dështoi fillimisht përpjekja për ta shitur vilën për 65 milionë dollarë. Pastaj e listuan për 68 milionë verën e kaluar. Në shtator, një blerës nga New Jersey ofroi 64 milionë, por marrëveshja u hodh poshtë, duke i detyruar që të ulin çmimin edhe më tej – për një humbje potenciale prej 855 mijë dollarësh.

Shtëpia, përveç çmimit marramendës, është simboli i fundit i lidhjes së dikurshme “të artë” mes Ben Affleck dhe Jennifer Lopez, që u ribashkuan në 2021 pas shumë vitesh ndarjeje dhe u martuan në vitin 2022. Sot, marrëdhënia ka marrë fund dhe mesa duket shtëpia është bërë pengesë e fundit drejt një fillimi të ri për Ben-in.

Artikuj të sugjeruar:

_{Burimi: Cosmopolitan}