Vjeshtë, ti je? Jo, jo ende, por duket se sezoni i ftohtë po afron pak e nga pak. Moda e vjeshtës është gjithmonjë një temë e mirë për të diskutuar – veshjet janë komode, të ngrohta.
Së fundmi, Selena Gomez na kujtoi një artikull “IT” që duhet të jetë në krye të listës së blerjeve për vjeshtën: një fund i gjatë xhins.
Selena postoi në Instagram një pamje të veshjes së saj, që përbëhet nga një bluzë korse me lidhje në qafë si edhe një fund i gjatë i xhins me çarje asimetrike. Natyrisht: këpucë të bardha me majë.
Pamja e saj duket disi rebele, por në të njëjtën kohë me goxha klas, një kombinim që vështirë të arrihet, por Selena ia ka dalë.
