Mark Zuckerberg ka thënë se po po heq dorë nga plani për një ndeshje në një ring-kafaz me Elon Musk, duke pretenduar se drejtori ekzekutiv i Tesla-s “nuk është serioz”.

Ata me sa duket ranë dakord për një përleshje në qershor, kur Musk shkroi në Twitter se ishte "i gatshëm për një ndeshje në kafaz".

Zuckerberg u përgjigj duke shkruar "më dërgo vendndodhjen". Megjithatë, të dielën ai tha në platformën e rrjeteve sociale Threads: “Unë mendoj se të gjithë mund të biem dakord se Elon nuk është serioz dhe është koha për të vazhduar përpara.”

“Unë sugjerova një takim të vërtetë. Dana White (drejtori ekzekuti i The Ultimate Fighting Championship) u ofrua ta bënte ndeshjen një konkurs të ligjshëm për bamirësi,” shtoi më pas.

“Elon nuk do të konfirmojë një datë, më pas thotë se ka nevojë për operacion dhe tani më kërkon të bëjë një stërvitje në oborrin e shtëpisë time,” tha Zuckerberg.

“Nëse ndonjëherë Elon e merr seriozisht një datë të vërtetë dhe një ngjarje zyrtare, ai e di se si të kontaktojë me mua. Përndryshe, koha për të ecur përpara. Unë do të përqendrohem te garat me njerëz që e marrin seriozisht këtë sport,” përfundoi ai.

Zuckerberg është trajnuar në artet marciale. Në fillim të këtij viti, postoi në lidhje me përfundimin e turneut të tij të parë jiu jitsu.

Tensionet kanë qenë të larta midis dy kompanive të miliarderëve të teknologjisë pas lançimit të Threads, një aplikacion i ngjashëm me Twitter-in.