Ushqim & Pije

Një ‘koleksion’ me receta ëmbëlsirash që nuk ju fryjnë

Shkruar nga Anabel

12 Gusht 2023

Një ‘koleksion’ me receta ëmbëlsirash që nuk ju

Frutat më të freskëta të stinës, me veti anti-inflamatore mund të jenë shija më e mirë e kësaj vere. Jo vetëm si fruta të thjeshta, por të përfshira në një koleksion recetash me ëmbëlsira super të shijshme.

Si përbërës të freskët që bashkohen me drithërat integrale, këto ëmbëlsira ju japin shije, por ju heqin atë ndjesinë bezdisëse të fryrjes së stomakut, problemet me tretjen, etj.

Mollë të pjekura, kanellë, limon dhe borononicë, këtu janë ëmbëlsirat perfekte të verës që mund t’i përgatisni edhe ju.

Një ‘koleksion’ me receta ëmbëlsirash që nuk ju

Tortë me limon dhe mjedër

Kjo tortë super e lehtë me limon dhe mjedër ka një shije fantastike. Me bazë keku, në vend të një mbushjeje biskote, mjedrat dhe limoni janë kombinimi perfekt i shijes.

Një ‘koleksion’ me receta ëmbëlsirash që nuk ju

Copa me kos grek, luleshtrydhe të freskëta dhe çokollatë

Një snack i përsosur për fëmijët tuaj, por edhe të rriturit. Kosi grek vendoset në një letër kuzhine, i shtohet sipër luleshtrydhe e freskët dhe disa copa çokollate, vendoset në ngrirje për disa orë dhe një recetë ëmbëlsire plot shije për ju.

Një ‘koleksion’ me receta ëmbëlsirash që nuk ju

Picë me fruta të freskëta

Shumë larg modelit të picës tradicionale, për bazën e kësaj ëmbëlsire përdoret një biskotë e madhe e përgatitur me drithëra. Për mbushjen, krem djathi, kivi, boronicë dhe gati për një ëmbëlsirë argëtuese dhe shumëngjyrëshe.

Një ‘koleksion’ me receta ëmbëlsirash që nuk ju

Kos limoni i ngrirë

Ata që e duan limonin e freskët, mund ta shijojnë në një tjetër mënyrë, larg asaj klasikes. Si një ëmbëlsirë kremoze, me bazë limonin ju mund ta shërbeni atë në filxhan të veçantë, më saktë limon të ngrirë. Mund të fusni lëngun e limonit të përzier me kos në këta filxhanë të veçantë dhe e shijoni sipas dëshirës.

Një ‘koleksion’ me receta ëmbëlsirash që nuk ju

Mollë të pjekura me kanellë

Një ëmbëlsirë e shijshme, që ka në bazë të sajën mollët e pjekura me kanellë sipër. I vendosni në një tigan dhe i përgatisni për pak minuta. Mund ta shërbeni me pak akullore, biskota, ose me kos, mundësitë janë të pafundme.

Një ‘koleksion’ me receta ëmbëlsirash që nuk ju

Sorbeto qershie

Provojeni këtë recetë me bazë qershie dhe krem shllaku, në formë sorbeto ose qershi të copëtuara sipër.

Një ‘koleksion’ me receta ëmbëlsirash që nuk ju

Pjeshkë të pjekura me mjaltë dhe krem djathi mascarpone

Ja një ide e shpejtë nëse je në udhëtim ose në oborrin e shtëpisë. Ndani disa pjeshkë në feta, piqini në furrë dhe shtojini sipër pak mjaltë dhe krem mascarpone.

Një ‘koleksion’ me receta ëmbëlsirash që nuk ju

Biskota me reçel manaferre

Mielli i grurit integral i jep brumit të biskotave një shije tipike, që balancohet me aromën e arrave dhe ëmbëlsinë e mbushjes së manaferrës. Për mbushje mund të përdorni dhe boronica, qershi ose pjeshkë, sipas dëshirës.