E pamundur që Margot Robbie të ketë qenë gjë tjetër veçse bionde! Në vorbullën e suksesit të kukullës ikonike “Barbie” dhe namit që filmi po bën në të gjitha kinematë e botës, duhet t’i thërrasim memories për të rikujtuar Margot Robbie-n brune. Me flokë në nuancë platini për rolin e Harley Quinn ose me kaçurrelat ikonike në rolin e mbretëreshës Elizabeth 1 tek ““Mary Queen of Scots”, e kujtoni dot?

Biondja ikonike e Barbie, ka jetuar edhe në një tjetër epokë, atë të brunes së ëmbël falë roleve që i është dashur të interpretojë gjatë karrierës së saj.

Aktorja u shfaq brune në tapetin e kuq të Met Gala, por u rikthye si bionde e përjetshme, vetëm dy muaj më pas.

Por, ka dhe një “kleçkë” të vogël që fshihet pas brunes së Robbie-t. “Ka shumë vite që më thonë se dukem si kolegia ime, Emma Mackey. Nuk jemi dhe aq të ngjashme, sidomos kur ajo i mban flokët  gështenjë dhe unë biondë.” Kur Robbie dhe Mackey kanë flokë brunë njëherësh, ne mund të vëmë bast që duken të paktën si motra.

Tani që Robbie ka luajtur vetë Barbie-n, ajo është sinonim i biondes 100%. Por, mos gaboni: modelet e shumta të flokëve që aktorja ka mbajtur nëpër filma janë kryesisht paruke.