Ky muaj nisi me një Hënë të plotë në shenjën tënde dhe kjo ngjarje shënoi një moment të rëndësishëm. Një çështje personale po arrin kulmin dhe do të kërkojë zgjidhje brenda pesë ditëve, aq sa ndihet edhe ndikimi i Hënës së plotë. Në mendjen tuaj është një marrëdhënie romantike dhe personi që ju intereson mund të shfaqë një sjellje shqetësuese, ose të veprojë siç ju nuk e keni pritur.
 
Edhe familja dhe shtëpia do të jenë një tematikë që do të ceket gjatë kësaj periudhe. Me gjithë gjërat që po ndodhin vërdallë, mënyra juaj e reagimit do të varet nga faktorë të ndryshëm. Nëse jeni duke njohur dikë, por deri më tani s’ka asgjë serioze, ndikimi i Hënës së plotë nuk do të jetë aq i madh. Ndryshe për Ujorët e dashuruar dhe të përkushtuar, të cilët do të hasen me ca sfida në marrëdhënie e tyre.
 
Gjithsesi, kjo Hënë e plotë do të ndikojë në një situatë biznesi, e cila do të sjellë përfitime për ju.
 
Nëse jetoni me një person dhe keni probleme të shumta, kjo periudhë do të sjellë një vendim për t’u shpërngulur dhe për të gjetur një shtëpi të re. Megjithatë, ju këshillojmë të reflektoni, pasi Afërdita është në prapavijë dhe shumë shpejt (më 23 gusht) do të jetë edhe Mërkuri, ndaj situata është ende e paqartë.
 
Nga ana tjetër, Afërdita rregullon hapësirën e shtëpisë suaj, ndërsa Mërkuri, paratë që ndani me personin me të cilin jetoni. Nëse jeni në dyshime se ç’vendim të merrni, ju sugjerojmë të mos ndërmerrni asnjë hap deri në gjysmën e dytë të shtatorit, kur planetet rikthehen në kursin e tyre. Deri atëherë, do të paraqiten të tjera fakte që do t’ju ndihmojnë të merrni vendimin.
 
Një tjetër arsye pse mund të jeni në një periudhë të vështirë me partnerin/en mund të jenë edhe financat, të cilat janë paksa të bllokuara. Deri në Hënën e re, që do të ndodhë më 16 gusht, do të arrini të diskutoni më qetë me partnerin dhe situata do të thjeshtohet paksa. Nëse financat kanë qenë arsyeja e zënkave do të arrini të gjeni një rrugë të mesme, madje edhe familja mund t’ju vijë në ndihmë.
 
Më 30 gusht, një tjetër Hënë e plotë do të ndodhë te Peshqit dhe çështjet që ju kanë vështirësuar muajin, do të vijnë drejt zgjidhjes. Do ta keni më të thjeshtë të jetoni në të tashmen dhe të zgjidhni situatat aktuale, duke mos e vrarë mendjen se ç’mund të bëhet më mirë.
 
Edhe marrëdhëniet financiare me partnerin/en ose familjen mund të vijnë drejt përmirësimit, pasi Hëna e re te Peshqit ka fuqinë për t’ju ndriçuar rrugën e duhur drejt një periudhe më të lumtur në jetën tuaj.

Tani që jeni përballur me Hënën e plotë të 1 gushtit, e keni marrë sinjalin për të pushuar. Kjo Hëna e plotë mund të sjellë lajme nga dikush që ka mbajtur gjëra të fshehta nga ju. Kjo mund të sjellë çështje kontraktuale dhe një konflikt që lidhet pikërisht me të ardhurat. Gjithashtu, mund të jetë një ngjarje që lidhet me një projekt krijues, ose me një lidhje romantike.
 
Në përgjithësi, mund të ndiheni të lodhur dhe të doni të bëni një pushim gjatë kësaj periudhe (e cila zgjat deri më 5 gusht). Do të rilidheni me veten, me të tjerët dhe do të merrni kohën e duhur për ta trajtuar me dashuri dhe përkujdesje, që të jeni sa më të karikuar dhe gati për të qenë më të freskët në situatat në vijim.
 
Sapo Hëna e re të mbërrijë më 16 gusht, do t’ju duhet t’i kushtoni vëmendjen tuaj të plotë një projekti interesant, i cili mund të jetë i lidhur me argëtimin, artin ose një klient të ri, prestigjoz. Kjo Hënë e re do të sjellë disa probleme që lidhen me teknologjinë, ndaj nëse keni në plan të investoni në një pajisje të re teknologjike, bëjeni pas 15 shtatorit.
 
Hëna e re e 16 gushtit do të lidhet me shëndetin dhe mirëqenien. Në javët që pasojnë këtë ngjarje qiellore, do të gjeni kohë të bëni disa analiza shëndetësore. Pra, gjërat do të ngadalësohen dhe do të keni mundësi të merreni më shumë me veten dhe shëndetin.
 
Këtë muaj do të ketë edhe një Hënë tjetër të plotë, e cila do të jetë në shenjën e Peshqve. Kjo do të ndodhë më 30 gusht dhe do të ketë ndikim edhe për 5 ditë të tjera. Saturni, së bashku me Hënën do t’ju nxisë që të jeni më realist dhe praktikë.
 
Hënat e plota sjellin përfundimin e një cikli dhe situate, përgjigjja e së cilës mund të mos vijë gjatë kësaj periudhe, por pak më vonë. Bëni durim për pesë ditët e ardhshme.
 
Peshqit e lindur në shkurt do ta ndiejnë më shumë këtë ngjarje qiellore, që do të lidhet me një projekt krijues. Pasi të kalojë gushti, mund të shihni një tablo më të gjerë mbi një problem afatgjatë.
 
Afërdita do të vijojë prapavijën dhe kjo do të prekë sektorin tuaj të punës. Edhe Mërkuri do të shkojë në prapavijë (më 23 gusht) dhe do të ndikojë në sektorin e partneritetit. Mërkuri dhe Afërdita, si dy planetë të rëndësishëm të shenjës tënde do të bashkëpunojnë për të zgjidhur disa probleme.
 
Nuk sugjerohet që të nënshkruani marrëveshje apo kontrata gjatë këtij muaji. Nëse mundeni, shtyjeni nënshkrimin e tyre deri pas 15 shtatorit, kur Mërkuri dhe Venusi të jenë në pozicione më të favorshme.
 
Në fund të gushtit do të dëshironi të udhëtoni, por punët e zyrës do të shtohen dhe e gjithë vëmendja juaj do të jetë atje. Mund të gjeni mundësinë të arratiseni në ndonjë fundjavë, por nuk do të bëni dot pushime javore. Megjithatë, kjo do të jetë e mjaftueshme për t’u rikthyer me energji të reja.

Copyright Anabel.al / Ndalohet ribotimi pa lejen e redaksisë.