Muaji fillon me një Hënë të plotë në Ujor, duke vënë në qendër të vëmendjes marrëdhënien tuaj më të ngushtë në dashuri (si p.sh. me bashkëshortin/en ose të dashurin/ën) ose biznes (si një partner biznesi, agjent, avokat, kontabilist etj).

Gjatë tre viteve të fundit, ju keni patur Saturnin në këtë fushë partneriteti të jetës, kështu që një Hënë e plotë në këtë sektor nuk do të ishte e mirëpritur, pasi është në gjendje të tregojë lidhje të dobëta në një aleancë. Këtë vit, perspektiva është e ndryshme dhe shumë më e ndritshme, sepse Saturni është larguar nga Ujori.

Kjo do të thotë se Hënat e plota të ardhshme në këtë sektor, përfshirë atë të këtij muaji, duhet të reflektojnë marrëdhënie të ngushta më të lumtura si në jetën tuaj personale ashtu edhe në atë të biznesit.

Hëna e plotë më 1 gusht do të theksojë çështjet që kanë të bëjnë me Luanët e lidhur, por çfarë do të ndodhë me beqarët? Nëse nuk jeni të lidhur, duhet të jeni të duruar. Afërdita ka qenë në Luan, por në prapavijë që nga 22 korrik, kështu që nuk është koha për të gjetur dashurinë. Kjo gjendje do të vazhdojë deri më 3 shtator.

E njëjta datë me Hënën e plotë, 1 gushti, shënon një datë të shkëlqyer karriere kur Marsi dhe Jupiteri do të punojnë së bashku për të sjellë reputacionin profesional dhe kompensimin në një linjë të shkëlqyer. Një diskutim që keni në ditët e para të gushtit mund të çojë në një pagë më të mirë. Nëse jeni të vetëpunësuar, mund të jeni në gjendje të sillni një klient prestigjioz i cili do t'ju paguajë mirë për një punë.

Karriera juaj do të favorizohet veçanërisht tani e deri më 25 maj 2024. Edhe pse gjatë rrugës do të hasni pengesa, do të mund t'i kapërceni ato me ide novatore. Jupiteri, planeti i fatit, do t'ju ndihmojë, pasi jeni më i favorizuari nga të gjitha shenjat në vitin 2023 për avancim në karrierë.

Lajmet e papritura për një çështje karriere mund t'ju tronditin pasi të shfaqet Hëna e re më 16 gusht, por situata do të jetë e përkohshme.

Më 30 gusht do të jetë do të jetë koha për të bërë rregullime në çështjet financiare dhe për të paguar faturat. Në përgjithësi, do të jeni të motivuar për të rregulluar shtëpinë. Do t'ju duhet të jeni fleksibël. Mendoni për çfarë duhet të bëni derisa prisni ditë më të mira. Zgjidhni fundin e shtatorit për të filluar.

Mërkuri do të jetë në prapavijë nga 23 gushti deri më 15 shtator. Kryeni sa më shumë gjëra të rëndësishme në javën e parë të gushtit. Nuk është e favorshme të bëni marrëveshje gjatë kësaj faze, pasi më vonë do t'ju duhet t'i rinegocioni ato.

Në gusht, takoni miqtë, lexoni një libër të mirë - gjithçka fillon për ju më 15 shtator.

Tani jemi një muaj para ditëlindjes suaj, një kohë reflektimi dhe planifikimi për vitin e ri që po vjen. Në astrologji, njerëzit në antikitet besonin se jeta është më e bukur nëse e planifikojmë. Si Virgjëreshë, një nga talentet tuaja më të mëdha është të organizoni, t’u jepni përparësi gjërave dhe të vendosni qëllime të denja. Ju do të shihni se ky trend fillon në Hënën e re më 16 gusht.

Në fillim të muajit, më 1 gusht, do të shihni që një detyrë e rëndësishme do të përfundojë. Ndoshta për shkak se shpresoni të udhëtoni, mund t'ju duhet ta mbaroni jo më vonë se 5 gushti. Do t'ju duhet të jeni vigjilent në mënyrë që të kapni dhe menaxhoni çdo defekt që mund të shfaqet.

Më 1 gusht, Marsi dhe Jupiteri do të jenë të sinkronizuar, një aspekt i mrekullueshëm për të nisur diçka të re që mund t'ju sjellë para, veçanërisht nëse punoni me një klient ndërkombëtar ose nëse projekti është i lidhur me tregun e arsimit. Edhe çështjet ligjore do të shkojnë mirë.

Marsi është aktualisht në shenjën tuaj, një privilegj i mrekullueshëm që filloi muajin e kaluar më 10 korrik dhe do të vazhdojë deri më 27 gusht. Mërkuri, planeti juaj sundues dhe detyra e të cilit është të kujdeset mirë për ju, do të jetë në prapavitë nga 23 gushti deri m 15 shtator. Kjo ju detyron të përdorni dy javët e para të gushtit në avantazhin tuaj duke marrë vendime kyçe, dhe pas kësaj, mund të jetë mirë që të shtyni marrëveshjet përfundimtare deri në gjysmën e dytë të shtatorit. Shtyjeni edhe blerjen e një kompjuteri, makine apo ndonjë artikulli elektronik deri në gjysmën e dytë të shtatorit.

Afërdita filloi të jetë në prapavijë muajin e kaluar dhe do të vazhdojë deri më 3 shtator. Ky nuk është muaji për të bërë pazare për një bizhuteri të shtrenjtë apo për të bërë ndonjë ndryshime në pamje.

Do të ndiheni më mirë pasi pasi Dielli të kalojë te Virgjëresha më 23 gusht.

Kur Marsi të zhvendoset te Peshorja nga 27 gushti deri më 11 tetor, do të shpenzoni më shumë para se zakonisht. Ju mund të keni vonuar disa blerje ose disa angazhime të cilat të bëhen në atë kohë. Megjithatë, shpenzimet tuaja ka të ngjarë të mos jenë të papritura.

Kur bëhet fjalë për dashurinë, kemi disa lajme. Saturni është në shtëpinë tuaj të martesës, kështu që mund të jeni gati të ndërtoni një themel për të ardhmen me partnerin/en. Nëse jeni të martuar, në tre vitet e ardhshme Saturni do të testojë forcën e bashkimit tuaj dhe angazhimin tuaj.

Duhet angazhim nga të dyja palët që një martesë të funksionojë mirë, kështu që shumë gjëra varen nga ndjenjat tuaja, qëndrimi i partnerit/es dhe vlera që ju të dy i jepni njëri-tjetrit. Hëna e dytë e plotë e muajit më 30 gusht do të jetë një moment testimi – mendoni si një provë për marrëdhënien tuaj.

Me kalimin e kohës do të kuptoni nëse mund ta bëni lidhjen të funksionojë ose nëse dëshironi të largoheni nga lidhja romantike, ose ajo e biznesit. Çdo gjë në univers lëviz drejt fuqisë dhe produktivitetit dhe ashtu duhet të veprojmmë edhe ne.

Copyright Anabel.al / Ndalohet ribotimi pa lejen e redaksisë.