Ish-i i Irina Shayk, Bradley Cooper, s’e vret shumë mendjen, ama mirë s'i vjen për romancën mes Tom Brady dhe Irina-s, shprehet një burim për Page Six.
Edhe pse Cooper ka njëfarë shqetësimi se mos Brady e rrëmben zemrën e Irina-s përgjithmonë dhe nuk do të ketë më vend për Bradley, sërish, ylli i “Hangover” nuk po e merr me stres situatën.
“Në këto momente, ai po pret dhe do të shohë ç’do të ndodhë. Bradey dhe Shayk s’e kanë shprehur dashurinë e tyre dhe e gjithë marrëdhënia mund të mbarojë në 2-3 javë”, u shpreh burimi.
Cooper dhe Shayk, të cilët kanë një vajzë, Lea de Seine, u ndanë rreth vitit 2019 dhe thanë se marrëdhënia e tyre “po varej në një pe”. Nëntorin e kaluar, Page Six raportoi se dyshja, të cilët kishin një marrëdhënie miqësore, po bënin ç’ishte e mundur për të rindezur shkëndijat mes tyre, madje po planifikonin edhe të zgjeronin familjen. Por, gjithsesi, nuk ndodhi dhe gjërat u zbehën.
Nga ana tjetër, Tom Brady u divorcua nga ish-bashkëshortja, Gisele Bündchen dhe u fotografua duke flirtuar me Irina-n në Rolls-Royce-n e tij.
Artikuj të sugjeruar:
