Daniel Radcliffe është bërë baba prej 3 muajsh dhe po e adhuron statusin e tij të ri. Daniel ndau disa detaje nga jeta e tij me djalin e vogël, ndërkohë që nuk i ndalte dot buzëqeshjet.
“Ai është shumë i lezetshëm. Tani jemi në fazën ku ka më pak ulërima dhe na dhuron buzëqeshje”, u shpreh ai.
Më tej vijoi:
“Kanë qenë muaj të çmendur, por është vërtet gjëja më e mirë që më ka ndodhur, është fantastike. Ndihem me shumë fat që mund ta kaloj kohën me të”, tha i emocionuar Radcliffe.
Ylli i “Harry Potter” dhe e dashura e tij, Erin Darke, mirëpritën bebushin në prill të këtij viti. Ata e kanë mbajtur privat portretin dhe emrin e djalit. Lindja e fëmijës së tyre u konfirmua nga publicisti i aktorit të “Harry Potter” pasi Daily Mail publikoi disa foto të tyre duke shtyrë një karrocë fëmijësh, në New York.
Aktorët janë bashkë për një dekadë dhe thuhet se janë takuar në xhirimet e filmit “Kill Your Darlings” në vitin 2013.
Artikuj të sugjeruar:
