Kur Priyanka Chopra u kurorëzua Miss World në vitin 2000, burri i saj i ardhshëm, Nick Jonas, ishte thjesht një djalë shtatëvjeçar. Kaluan vite derisa nëna e Nick, Denise, i tregoi Priyanka-s kujtimet e saj për atë ditë të veçantë.
Në një episod të "The Jennifer Hudson Show", aktorja 40-vjeçare ndau një rrëfim emocionues nga vjehrra e saj, Denise Miller-Jonas, e cila zbuloi se Nick e kishte parë atë në televizor më shumë se dy dekada para se rrugët e tyre të bashkoheshin.
Ajo tregoi se familja e Nick e kishte parë të fitonte konkursin e bukurisë Miss World 2000, që shënoi fillimin e karrierës së saj jashtëzakonisht të suksesshme të aktrimit që kaloi nga Bollywood në Hollywood.
17-vjeçarja Priyanka nuk ishte në dijeni se bashkëshorti i saj i ardhshëm, 7-vjeçari Nick Jonas, po e shikonte teksa konkurronte në Miss World 2000 së bashku me familjen e tij në Teksas.
Vjehrra e saj i tregoi se babait të Nick-ut i pëlqente të shikonte konkurse dhe Nick-u shkoi dhe u ul të shihte teksa Priyanka u kurorëzua Miss World 2000.
Kur u pyet nëse besonte se lidhja e saj me Nick Jonas ishte e destinuar të ndodhte, Priyanka u përgjigj e zhytur në mendime: “Ndoshta. Unë besoj.”
Priyanka dhe Nick u bënë prindër të një vajze, Malti Marie Chopra Jonas, në janar 2022.
