Rivali i Twitter është rritur me shpejtësi që nga lançimi i tij të mërkurën e kaluar.
Mark Zuckerberg tha se aplikacioni i ri kishte arritur 100 milionë përdorues gjatë fundjavës. Dikur, Instagramit, në pronësi të perandorisë Meta të Zuckerberg, iu desh një javë për të arritur 100,000 përdorues kur u lançua si një platformë e pavarur në vitin 2010.
“Threads arriti në 100 milionë regjistrime gjatë fundjavës”, shkroi Zuckerberg. “Kjo është kryesisht kërkesë organike dhe ne nuk kemi aktivizuar ende shumë promovime. Nuk mund të besohet se kanë kaluar vetëm pesë ditë!”
Përdoruesit e Threads kanë nevojë për një llogari në Instagram për t'u identifikuar në aplikacionin e ri. Postimet në Threads mund të jenë 500 karaktere të gjata, krahasuar me 280 për shumicën e përdoruesve të Twitter, dhe videot deri në pesë minuta mund të postohen.
