Threads, rivali i Twitter-it, pati pesë milionë regjistrime në katër orët e para pasi u lançua, sipas Mark Zuckerberg, CEO i Meta-s.

Meta po kërkon të tërheqë përdoruesit nga platforma problematike e Elon Musk, duke ofruar një aplikacion që ka ngjashmëri të madhe me konkurrentin.

Threads është i disponueshëm në 100 vende të ndryshme në Apple dhe Google Store, megjithëse politikat aktuale të BE-së nënkuptojnë se aplikacioni nuk do të jetë i disponueshëm në vendet e BE-së.

Markat si Billboard, HBO, NPR dhe Netflix kishin llogari të krijuara brenda pak minutash nga lançimi i aplikacionit. Meta tha se mbështetësit e parë të famshëm përfshinin Shakira-n dhe Gordon Ramsay-n, ndërsa një raport i fundit tha se Oprah Winfrey dhe Dalai Lama ishin regjistruar gjithashtu.

Threads vjen disa ditë pasi Twitter po përballet me kritika të ashpra nga përdoruesit. Javën e kaluar, Twitter filloi t'u kërkonte përdoruesve që të identifikoheshin për të parë postimet - më parë, njerëzit pa profile në Twitter mund t'i shikonin postimet. Më pas, vendosi kufizime për përdoruesit që nuk paguajmë për platformën. Që pasi Elon Musk mori drejtimin e Twitter, me mijëra përdorues kanë mbyllur llogaritë e tyre në aplikacion.

Njerëzit do të jenë në gjendje të përdorin Instagramin e tyre për t'u identifikuar në Threads dhe për të ndjekur kontaktet e ekzistuese.

Postimet në Threads mund të jenë 500 karaktere të gjata, krahasuar me 280 për shumicën e përdoruesve të Twitter, dhe videot deri në pesë minuta mund të postohen.