Kim Kardashian është akuzuar sërish për editimin “e panevojshëm” të fotove të saj në Instagram. Sipas llogarisë @problematicframe në Instagram, e cila ekspozon ndikimin negativ që sjell editimi i fotove në këtë platformë, Kim editoi një foto të sajën në prezantimin e koleksionit të ri të Louis Vuitton.
View this post on Instagram
Llogaria krahasoi foton origjinale të shkrepur nga Getty Images dhe atë të edituarën, të postuar nga Kim në Instagram dhe ylli 42-vjeçar kishte edituar pjesën e stomakut, krahët, belin, gjoksin, shpatullat, mjekrën dhe nofullën që të dukeshin më të holla dhe më të tonifikuara.
Menjëherë njerëzit nisën ta kritikonin Kim:
“Është shumë e çuditshme që ajo ka bërë gjithçka që mund të bëjë një njeri, për të arritur pamjen ideale dhe sërish editon fotot që të duket më e dobët”, shkroi dikush në sektorin e komenteve.
“Është çmenduri niveli ku ka arritur kjo grua, e cila për vite të tëra ka kryer operacione, bën trajtime të shumta dhe sërish, nuk ndihet mirë me veten”, tha një tjetër person.
Kim është akuzuar disa herë për përdorimin e photoshop-it nëpër fotot e saj. Në prill, Kim publikoi një foto me rroba banjo dhe njerëzit vunë re se i mungonte gishti i mesit dhe se një pjesë e kofshës dukej e pikseluar.
Vitin e kaluar, ajo editoi qafën në një foto, që të dukej më e dobët.
Gjithsesi, ajo shumë rrallë u ka kthyer përgjigje aludimeve (ose fakteve) për editimin e fotove.
Vitin e kaluar, ajo u akuzua se kishte hequr kërthizën në një foto dhe Kim, përmes një videoje në InstaStory i mohoi këto zëra.
Artikuj të sugjeruar:
- Njerëzit po e cilësojnë veshjen e Kim-it si ‘më të keqen e të gjitha kohërave’
- Kim Kardashian tregon se çfarë e eksiton te një burrë dhe jo, s’është ajo që mendoni ju
- Kim Kardashian flet për romancën me burrin misterioz
- Pra, Kim po del me dikë me nofkën “Fred” (dhe ai përmbush *të gjitha* standardet e saj)
- Kim u bën fëmijëve çdo vit të njëjtën dhuratë, e cila është super e ëmbël
- Kim flet për ndarjen nga Pete Davidson: “Kam ndjerë shumë faj
