Përbërësit kryesorë që ju duhen:

- 6 ose 7 kokrra limoni në varësi të madhësisë së tyre
- 200 – 250 gr sheqer
- 200 – 250 ml ujë pa gaz
- Më pak se 1 litër ujë me gaz

Procedura është e tillë:

Në fillim grini hollë lëkurën e 4 limonëve, vendosini në një tenxhere dhe lërini të ziejnë bashkë me ujin pa gaz dhe sheqerin. Trazojini vazhdimisht dhe lëreni maksimumi 5-7 minuta.

Pastaj shtypni gjithë limonët dhe në një enë të posaçme hidhni lëngun e shtrydhur, ujin me gaz dhe përgatitjen e parë (lëkurë limoni + sheqer + ujë). Sigurisht që për çdo rast mund ta zëvendësoni ujin me gaz me ujë natyral.

Në fund, vendoseni në frigorifer për 1-2 orë dhe shërbejeni me disa kuba akulli.

Përsa i përket detajeve të tjera si pak borzilok, rozmarinë, mente etj, e keni ju në dorë. Shijojeni!