Ndërron jetë në burg kritiku i Vladimir Putin

Shërbimi i burgjeve në Rusi njofoi se kritiku dhe kundërshtari që kishte shprehur hapur mendimin e tij kundër Putin, Alexei Navalny, ndërroi jetë më 16 shkurt. Sipas deklaratës, ai nuk u ndje mirë dhe ndërroi jetë pas një shëtitjeje, duke humbur vetëdijen.

Raportimet nga shërbimi i burgjeve pretenduan se në vend mbërriti ekipi mjekësor i institucionit, u thirr edhe urgjenca, u kryen të gjitha procedurat e nevojshme, të cilat fatkeqësisht nuk dhanë rezultat.

Ai u arrestua në 2021-shin, pasi mori veten nga një tentativë helmimi dhe u dënua me 19 vjet burg dhe u shpall fajtor për krijimin e një grupimi ekstremist, mbështetjen dhe financimin e aktivistëve e krimeve të ndryshme.

Për vdekjen e Alexei, njerëzit dhe shtete të ndryshme kanë akuzuar Vladimir Putin, ndërsa në Rusi kanë nisur nderimet për të ndjerin.

Njerëzit nderojnë Alexei Navalny

Në pjesën e jashtme të ambasade ruse në Londër, njerëzit ndezën qirinj dhe vendosën lule për të ndjerin Alexei Navalny, i cili ndërroi jetë në burg. Rusët shprehën dhimbje, zhgënjim, por edhe shpresë për një të ardhme më të mirë dhe jo totalitare për vendin e tyre.

Gjithsesi, edhe ndjesia e zemërimit ishte e përbashkët, pasi Alexei ishte ndër të vetmit kundërshtarë të Putin që ndërmori hapa konkretë për të rrëzuar sistemin e presidentit aktual. Vdekja e tij vjen 1 muaj para zgjedhjeve në Rusi, (17 mars) në të cilat Putin, sigurisht, ka mbështetje të gjerë.

Gaza: Mbi 28 mijë palestinezë janë vrarë dhe mbi 68,000 janë lënduar gjatë luftës me Izraelin

Ministria e shëndetësisë palestineze ka publikuar shifrat e palestinezëve të vrarë dhe të plagosur në sulmet izraelite, të cilat kanë bombarduan Gazën qysh prej 7 tetorit. Sipas ministrisë, vetëm në 24 orët e fundit kanë humbur jetën 112 palestinezë. Në total,  28,775 palestinezë janë vrarë dhe 68,552 janë plagosur.

Numri pritet të rritet ndërsa ushtria izraelite po sulmon Rafah, vendin ku strehohen më shumë se 1.4 milionë palestinezë.

Volodymyr Zelensky do të nënshkruajë marrëveshje sigurie me Gjermaninë dhe Francën

Ukraina, Franca e Gjermania do të nënshkruajnë një marrëveshje sigurie, në kuadër të punës që qeveria ukrainase po bën për të fituar mbështetjen perëndimore në luftën dyvjeçare kundër Rusisë.

Zyrtarët respektivë do të takohen në Paris, ku bashkë me Emmanuel Macron do të firmosin marrëveshjen, ndërsa Zelenskyy do të marrë pjesë në Konferencën e Sigurisë në Mynih, një mbledhje vjetore e zyrtarëve të lartë të sigurisë dhe politikës së jashtme.