Hailey Bieber na tregoi edhe një herë se pse është ikonë mode. Ajo u shfaq e veshur në New York me një fustan alla ‘Barbie’, por me xixa, si dhe me një prerje që i përqafonte linjat e trupit.
Hailey zgjodhi ta kombinonte fustanin me një varëse të krijuar nga dizajnerja e ndjerë, Vivienne Westwood dhe me taka transparente, të cilat krijonin iluzionin se modelja ishte zbathur.
Mund ta pranojmë: Fustani është super fiksues, varësja me diamantë gjithashtu!
Hailey ndodhet në New York për të festuar 1-vjetorin e linjës së saj, Rhode dhe rishtazi, thuhet se sërish fansat e saj dhe të Selena-s kanë rindezur dramën dhe debatin e vjetër mes tyre. Hailey u përpoq t’i sheshonte menjëherë thashethemet dhe publikoi një deklaratë në InstaStory, ku u bënte thirrje njerëzve që të mos linin komente dashakeqëse në emrin e saj.
“Nëse po shkruani një koment negative dhe të vrazhdë në emrin tim në postimet e dikujt, dijeni që unë nuk e dua diçka të tillë, nuk do t’i mbështes kurrë komentet me gjuhë urrejtjeje, negativiteti dhe ligësie. Duke e bërë këtë, nuk më mbështesni. Nëse po merrni pjesë në këtë kulturë, unë nuk dua të jem pjesë e saj. Ju lutem, jini të sjellshëm, ose mos thoni asgjë”.
Sipas Just Jared, fansat e Hailey dhe Selena-s janë përplasur sërish këtë fundjavë. Është e paqartë se pse nisi drama, por Hailey duket se s'ka asnjë hatërmbetje, madje, i ka bërë like në Instagram Selena-s.
Artikuj të sugjeruar:
- Selena njofton se do të rikthehet në muzikë
- Nisur nga thonjtë e Hailey Bieber: Ja disa sugjerime për thonjtë e verës
- Hailey Bieber vesh mbathjet e Justin dhe në fakt, duket më rehat se kurrë
- Hailey heq dorë nga thonjtë minimalistë për një model shuuumë ndryshe
- Hailey Bieber flet për mëmësinë dhe tregon frikën e saj më të madhe
