Ledri Vula ishte dje i ftuar në “Më lër të flas” për të treguar më shumë mbi albumin e ri “Një Goat Për Ty”, si dhe për të na përforcuar mendimin se po, ai është i dashuri perfekt dhe se bashkë me Sara Hoxhën, krijojnë një super çift.
Ledri, përballë binjakëve, foli për dashurinë e tij me Sarën dhe me aq sa kuptuam ne, është super partner. Pse?
I jep meritat e duhura Sarës, duke u shprehur se ajo është një mbështetje e madhe për të, madje rikujton se e ka zgjuar nga gjumi për të dëgjuar momentet e frymëzimit të Ledrit
Krijon kujtime të bukura me të, si ajo e ngjitjes në skenë për të kënduar së bashku (për këto do flasim në rreshtat më poshtë)
E dëgjon, edhe kur Sara i thotë të mos dalë me çunat. Ëndërr, apo jo?
Është një baba shumë i miiiirë dhe momenti kur vajza e tij ndërpret emisionin dhe shkon të përqafojë babin e tregon më së miri
Bonus? Sepse i bën super foto për Instagram dhe praktikisht, është si fotograf personal
Erdhi momenti i ngjitjes në skenë! Momenti i ëmbël ndodhi në promovimin e albumit në Prishtinë, Ledri dhe Sara kërcyen bashkë në skenë dhe pasi na u bënë sytë me zemra, pamë kiminë e tyre në këto çaste:
Kur patën kontakt sy më sy!
Kontakti i syve është art më vete dhe Sara dhe Ledri e bënë në mënyrë kaq joshëse dhe aspak të sikletshme.
Gjithë kohës Sara ishte plotësisht vetvetja
E çlirët, seksi, qendra e vëmendjes, Sara u ngjit në skenë dhe kërceu me këngët e partnerit të saj dhe në çdo moment dukej kaq rehat dhe vetvetja.
Kur u puthën :')
Ca gjëra janë mëse të qarta! Puthjet vinin krejt natyrshëm dhe dukeshin super të ëmbla!
Kur Ledri thjesht nuk rrinte dot pa e prekur partneren
Khëm, më falni, e vutë re se si Ledri e prekte gjithë kohës Sarën? Dukeshin aq emocionuese dhe të mbushura me pasion, sa nuk dimë ç’të themi.
Buzëqeshjet e shkëmbyera
Sarën, kaq të lumtur e kemi parë vetëm kur fitoi kupën e “Dancing With The Stars” dhe mund të themi se të gjitha lëvizjet që mësoi në këtë garë, i shërbyen për të dhuruar spektakël në këtë mbrëmje.
View this post on Instagram
Edhe më parë, Ledri e ka pranuar se Sara i ka vjedhur zemrën, sepse e kanë njohur shumë shpejt dhe kanë qenë gjithnjë super mbështetje për njëri-tjetrin.
