Nëse je Binjakët, apo njeh një person i kësaj shenje, atëherë mund t’i kuptosh më së miri këto 10 situata:
Është super e vështirë të përqendrohesh në një gjë të vetme
Truri yt punon kaq shpejt dhe mendon për shumë gjëra njëkohësisht, sa thjesht nuk mund ta përqendrosh vëmendjen vetëm në një vend.
Gjithnjë i/e informuar
Nuk ka asgjë më të rëndësishme për ty se sa të përditësohesh me trendet më të fundit, të marrësh vesh çdo gjë që ndodh përreth, apo të lexosh sa më shumë të jetë e mundur. Nuk është aspak çudi që të dish çdo thashethem apo tendencë që qarkullon në rrjetet sociale.
Njeriu më i shoqërueshëm në botë
Një person i shenjës së Binjakëve është kaq social sa nuk e dimë a i mbaron ndonjëherë bateria! Gjithnjë takon njerëz, kudo ku është. Në tualetin e një club-i? Hyn në muhabet! Në kafene? Patjetër që po! Me pak fjalë, kudo ta lësh një person të shenjës së Binjakëve, sërish nuk do mbetet vetëm.
Mjeshtër në komunikim
Kur vjen puna te komunikimi, Binjakët nuk bëjnë kompromis. Komunikojnë shumë mirë, thonë gjithçka që mendojnë dhe nëse ti s’je në të njëjtën linjë me ta, na vjen keq, por duhet të hapësh krahun.
Gjithmonë i/e zënë!
Binjakët priren të punojnë shumë dhe të kryejnë shumë detyra në të njëjtën kohë. Multitasking në një tjetër nivel.
Thashethemet janë pjesë e pandarë e jetës
Ah, sa thashetheme mban ai shpirt! Nga më të parëndësishmet në më pikantet. E bukura? Një Binjak është gjithnjë gati për t’i treguar të gjitha!
Këtë apo atë? Atë apo këtë?
Po të mos ishin dilemat, nuk do të ishin as Binjakët. Ndryshojnë mendjen çdo sekondë, nuk zgjedhin dot, ndaj mos i vendos kurrë para një zgjedhjeje!
Në kërkim të diversitetit
Një person i shenjës së Binjakëve kërkon gjithnjë diversitet dhe sigurisht, kjo ndikon edhe në preferencat në modë e kudo. Ndaj, nëse nuk e sheh një Binjak kurrë me të njëjtën veshje dhe stil, shih punën tënde. Personi në fjalë është duke eksperimentuar.
Të flasësh është domosdoshmëri!
Dikush flet shumë, tregon me deeetaaaaje gjithçka ndodh dhe s’të lë as të thuash një gërmë? Po po, Binjak duhet të jetë.
Udhëtimet zgjerojnë horizontin
Nuk ka asgjë që një person i shenjës së Binjakëve do më shumë se sa udhëtimet! Mund ta gjesh duke prerë bileta të lira, në destinacione të ndryshme të botës.
Artikuj të sugjeruar:
